رەسپۋبليكانىڭ ءبىرقاتار وبلىستارىندا جول جابىق
بۇل تۋرالى ق ر ءى ءى م ت ج ك حابارلادى. الماتى وبلىسىندا اۋا رايىنىڭ ناشارلاۋىنا بايلانىستى (بوران، جولدىڭ كورىنبەۋى) «سارى وزەك- كوكتال» ا/ج (40-80 شاقىرىمى) جۇك تاسىمالدايتىن كولىكتەرگە شەكتەۋ قويىلدى.
سونداي-اق ساعات 19.00-دەن اۋا رايىنىڭ ناشارلاۋىنا بايلانىستى (تەمپەراتۋرانىڭ تومەندەۋىنەن) استانا قالاسىنان بارلىق باعىتتارعا ديزەلدىك جانە قوعامدىق اۆتوكولىكتەرگە قوزعالىس توقتاتىلعان. اقمولا، شىعىس قازاقستان، سولتۇستىك قازاقستان وبلىستارىندا دا اۋا رايىنىڭ ناشارلاۋىنا بايلانىستى (تەمپەراتۋرانىڭ تومەندەۋى) بارلىق باعىتتارعا ديزەلدىك جانە قوعامدىق اۆتوكولىكتەرگە قوزعالىس توقتاتىلدى.
پاۆلودار وبلىسىندا اۋا رايىنىڭ ناشارلاۋىنا بايلانىستى (تەمپەراتۋرانىڭ تومەندەۋى) «استانا- ەرەيمەنتاۋ- شىدەرتى» ا/ج ۋچاسكەسىندە (205-259 شاقىرىمى) شىدەرتى ش. اقمولا وبلىسى شەكاراسىنا دەيىن ديزەلدىك جانە قوعامدىق اۆتوكولىكتەرگە قوزعالىس توقتاتىلعان.
سونىمەن بىرگە «ومبى- مايقاپشاعاي» ا/ج ۋچاسكەسىندە (426-587 شاقىرىمى) كەنجەكول ش. شىعىس قازاقستان وبلىسى شەكاراسىنا دەيىن ديزەلدىك جانە قوعامدىق اۆتوكولىكتەرگە قوزعالىس توقتاتىلعان.
