ءسابيىن اياۋسىز ۇرعان قازاقستاندىق ايەلدىڭ ۆيدەوسى قىتاي ساقشىلارىن اياعىنان تىك تۇرعىزدى

 Instagram الەۋمەتتىك جەلىسىندە تاراعان اتىشۋلى بەينەجازبا شەتەلدىك ب ا ق- تىڭ نازارىن اۋداردى. ول گونكونگ جانە قىتايدىڭ الەۋمەتتىك جەلىلەرىندە كەڭىنەن تارالىپ، جۇرتتىڭ اشۋ- ىزاسىن تۋدىردى. گونكونگتىڭ https://hk.apple.nextmedia.com سايتىنداعى جازباعا نەگىزدەلسەك، وقيعانى ءوز ەلىندە بولىپ جاتقان جاعداي دەپ بىلگەن جەلى قولدانۋشىلارى جەرگىلىكتى قۇقىق قورعاۋ ورگاندارىنا ايەلدى تاۋىپ، جازالاۋىن سۇراعان. وسىعان وراي گونكونگ ساقشىلارى ايەلگە ىزدەۋ جاريالاعانى تۋرالى مالىمدەدى.

 كەيىنىرەك، قىتايدىڭ قۇقىق قورعاۋ ورگاندارى ۆيدەوداعى وقيعانىڭ قازاقستاندا بولعانىن انىقتاپ، Wibo.com الەۋمەتتىك جەلىسىندە رەسمي تۇسىنىكتەمە بەرگەن.

 ەسكە سالايىق، ۆيدەو Instagram الەۋمەتتىك جەلىسىندە تاراعان بولاتىن. كادردا ايەل ديۆاندا وتىرىپ، جاسقا تولماعان نارەستەنى اياۋسىز شاپالاقتاپ جاتقانى انىق كورىنەدى. ول «اۋزىڭدى جاپ» دەپ ايعايلاپ، بالانى باسىنان، بەتىنەن اياۋسىز ۇرادى. كەيىن ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ايەلدىڭ جەكە باسى انىقتالعاندىعىن حابارلاعان بولاتىن. كۇدىكتى وزبەكستاننان تابىلدى.

اۆتور: ريزابەك نۇسىپبەك ۇلى 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى