داريعا نازاربايەۆا سينگاپۋردىڭ ەرەكشە تاپسىرما بويىنشا ەلشىسىمەن كەزدەستى
قوناقتى قارسى العان داريعا نازاربايەۆا سينگاپۋر وڭتۇستىك شىعىس ازياداعى قازاقستاننىڭ ماڭىزدى ساياسي جانە ساۋدا- ەكونوميكالىق ارىپتەسى بولىپ تابىلاتىنىن اتاپ ءوتتى. «جوعارى دەڭگەيدە سەنىمگەرلىك ديالوگ ورناتىلدى، پارلامەنتتەر، ۇكىمەتتەر جانە ىسكەرلىك ورتا دەڭگەيىندە بايلانىستار جۇزەگە اسۋدا»، - دەدى سەناتور.
«استانا كلۋبى» وتىرىسىنا قاتىسۋ ءۇشىن قازاقستانعا كەلگەن بيلاحاري كاۋسيكان ەۋرازيانى دامىتۋدىڭ نەگىزگى ماسەلەلەرىن تالقىلاۋعا ارنالعان حالىقارالىق ساراپتامالىق الاڭنىڭ ۇيىمداستىرۋى مەن مازمۇنى جوعارى دەڭگەيدە ەكەنىن اتاپ ءوتتى. «مۇنداي باستامانى جالعاستىرۋ قاجەت»، - دەدى ديپلومات.
ەكىجاقتى قاتىناستاردىڭ دامۋىنا قاناعاتتانعاندىعىن بىلدىرگەن كاۋسيكان داريعا نازاربايەۆانى سينگاپۋرعا ساپارمەن كەلۋگە شاقىردى. سەناتور استانادا وتەتىن ەكسپو-2017 حالىقارالىق كورمەسىنە سينگاپۋرلىق كومپانيالاردىڭ قاتىساتىنىنا سەنىم ءبىلدىردى.
