قاسىموۆ: ەكسپو اۋماعىنداعى كوپىردىڭ قۇلاۋى بويىنشا شەشىم ساراپتامادان كەيىن شىعادى
بۇل تۋرالى بۇگىن ق ر پارلامەنتى ماجىلىسىندە قىلمىستىق-پروتسەستىك زاڭنامانى ودان ءارى جاڭعىرتۋ تاقىرىبىندا ءوتىپ جاتقان پارلامەنتتىك تىڭداۋ بارىسىندا تىلشىلەرگە بەرگەن سۇحباتىندا ق ر ىشكى ىستەر ءمينيسترى قالمۇحامبەت قاسىموۆ ءمالىم ەتتى، دەپ حابارلايدى قازاقپارات.
«ءبىز قىلمىستىق ءىس قوزعاپ، قازىرگى كەزدە ساراپتاما جۇرگىزىپ جاتىرمىز. دەكوراتيۆتى كوپىردىڭ وپىرىلىپ ءتۇسۋى سەبەبىن انىقتاعاننان كەيىن، ءتيىستى پروتسەسسۋالدى شەشىمدى قابىلدايمىز»، - دەدى قاسىموۆ.
وسى رەتتە ول بۇگىندە اتقارىلىپ جاتقان تەحنيكالىق ساراپتاما قورىتىندىسى بويىنشا نىسانداعى تىرەۋىشتەردى بىرەۋدىڭ قاساقانا كەسىپ تاستاۋى نەمەسە ساپاسىز ماتەريالدىڭ قولدانىلۋى مۇمكىندىكتەرى تىڭعىلىقتى تەكسەرىلگەننەن كەيىن، ءتيىستى قادامدار جاسالاتىنىن ناقتىلادى.
ايتا كەتەيىك، بۇگىن ءبىرقاتار ب ا ق- تار ق ر ىشكى ىستەر مينيسترلىگى باسپا ءسوز قىزمەتىنە سىلتەمە جاساي وتىرىپ، ەكسپو اۋماعىندا ەكى پاۆيلون اراسىنداعى دەكوراتيۆتى كوپىردىڭ وپىرىلىپ ءتۇسۋ فاكتىسى بويىنشا ق ر قىلمىستىق كودەكسىنىڭ 278- بابىمەن سوتقا دەيىنگى تەرگەۋ باستالعاندىعىن حابارلادى.
وسى ورايدا ءتيىستى ساراپتامالار تاعايىندالدى. قىلمىستىق ءىستى تەرگەۋ ءوندىرىسى ءى ءى م تەرگەۋ دەپارتامەنتىنە تاپسىرىلىپ، بۇل ءىس باسشىلىقتىڭ باقىلاۋىنا الىندى.
اۆتور: رۋسلان عابباسوۆ
