قاسكويلەردىڭ قولىنان قازا تاپقان ءۇش اعايىندىنىڭ تۋىستارى مورالدىق شىعىن تالاپ ەتتى

  - حابارلايدى قازاقپارات ءتىلشىسى.

ماسەلەن، باستى كۇدىكتى تالعات سۇلەيمەنوۆ اتالعان قىلمىستىق ىسكە تەك جارتىلاي عانا قاتىسىم بار دەپ جاۋاپ بەردى. «كولىكتى جاقتى، سوسىن ارقايسىسىن ءار جەردە اتتى دەگەنى، ول دۇرىس ەمەس. ول جەردە تۇسىنىسپەۋشىلىك، ەرەگىس تۋىندادى»، - دەيدى كۇدىكتى تالعات سۇلەيمەنوۆ.

ال، مۇرات وڭالبايەۆ جانە قىلمىستى كورە تۇرا ەش جەرگە حابارلامادى دەگەن بايقاسىموۆ وزدەرىن كىنالى دەپ سانامايدى. جابىرلەنۋشى تاراپ سوتتالۋشىلارعا ەڭ اۋىر جازا قولدانىلسىن دەپ تالاپ ەتىپ وتىر. جانە قايتىس بولعان ءۇش جىگىتتىڭ ءارقايسىسىنىڭ وتباسىنا 15 ميلليون تەڭگەدەن مورالدىق شىعىن ءوندىرىپ بەرۋىن سۇرادى.

 ايتا كەتەلىك، مارقۇم بولعانداردىڭ تۋىستارى «تەرگەۋ تەز اياقتالدى، قاسكويلەردىڭ سىبايلاستارى ءالى دە بوستاندىقتا ءجۇر» دەپ كۇدىكتەنەدى. ەستەرىڭىزگە سالا كەتەيىك، قىركۇيەك ايىندا الماتى وبلىسىندا ءۇش اعايىندى جىگىت ۇزىناعاش اۋىلىنا مال ساتۋعا بارىپ، جوعالىپ كەتكەن بولاتىن. ارتىنشا ولاردىڭ ءولى دەنەلەرى تابىلدى. ال قايتىس بولعان ءۇش ازاماتتىڭ ارتىندا 8 بالا مەن ايەلدەرى قالدى.

 اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى