ق ر باس پروكۋرورى اباقتىدا وتىرعانداردىڭ سانى قانشاعا قىسقارعاندىعى ايتتى

بۇل تۋرال بۇگىن ق ر پارلامەنتى ماجىلىسىندە قىلمىستىق-پروتسەستىك زاڭنامانى ودان ءارى جاڭعىرتۋ تاقىرىبىندا ءوتىپ جاتقان پارلامەنتتىك تىڭداۋدا ق ر باس پروكۋرورى جاقىپ اسانوۆ ءمالىم ەتتى، دەپ حابارلايدى قازاقپارات.

باس پروكۋرار ەلىمىز زاڭناماسىن ىزگىلەندىرۋدىڭ ارقاسىندا قول جەتكىزىلگەن وڭ كورسەتكىشتەرگە توقتالدى. «قىلمىستىق كودەكستىڭ ءبىرىنشى جانە باستى جەتىستىگىنە توقتالاتىن بولساق، ونىڭ ىزگىلىگى ايتارلىقتاي ارتتى، جازالاۋشىلىق 30 پايىزعا تومەندەدى. ەگەر دە ول رەتسيديۆيست بولسا، بۇرىندارى ۇساق ۇرلىق ءۇشىن قاماۋعا وتىرعىزىلاتىن. قازىرگى كەزدە بالامالى جازالاۋ تۇرلەرى كوبىرەك. ادامدار قوعام مەن وتباسىنان وقشاۋلانباي، تۇزەلۋ مۇمكىندىگىنە يە»، - دەدى ج. اسانوۆ.

وسى ورايدا ول ءتورت جىل بۇرىن قازاقستاندا «قاماۋدا وتىرعانداردىڭ سانىن قىسقارتۋ بويىنشا 10 قادام» جوباسى باستالعانىن ەسكە سالىپ ءوتتى. «ناتيجەسىندە ەش راقىمشىلىقسىز ولاردىڭ سانى 30 پايىزعا قىسقاردى، ياعني 52 دەن 36 مىڭعا دەيىن ازايدى. الەمدىك تۇرمە رەيتينگىندە قازاقستان 30-ورىننان 62- ورىنعا شىقتى. بۇل جەتىستىككە رەتسيديۆتى قىلمىستىڭ تومەندەۋىنە بايلانىستى قول جەتكىزىلدى»، - دەدى باس پروكۋرور.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى