ارميا سپورتشىسى دزيۋدودان قازاقستان چەمپيونى اتاندى
وعان قازاقستاننىڭ 400 دەن اسا مىقتى سپورتشىلارى قاتىسۋدا، دەپ حابارلايدى ق ر ق م باسپا ءسوز قىزمەتى.
66 كەلى سالماقتاعى ق ر ق م ارميا ورتالىق سپورت كلۋبى شتاتتىق كومانداسىنىڭ سپورتشىسى ەفرەيتور مەيىرجان قالتايەۆ رەسپۋبليكا چەمپيونى اتاندى. ءدال وسى سالماقتاعى ارميا سپورتشىسى گۋمار قىرعىزبايەۆ كۇمىس مەدالدى ەنشىلەدى.
60 كەلى سالماقتاعى ەفرەيتور گۋسمان قىرعىزبايەۆقا قولا جۇلدە بۇيىردى. «دەنە دايارلىعى - ارميانىڭ جاۋىنگەرلىك قابىلەتتىلىگىنىڭ كەپىلى. قازاقستاننىڭ قارۋلى كۇشتەرىندە سالاۋاتتى ءومىر سالتىن دارىپتەۋ جانە اسكەري قىزمەتشىلەر اراسىنداعى سپورتتى دامىتۋعا ەرەكشە كوڭىل بولىنەدى. ءتيىستى وقۋ-ماتەريالدىق بازانىڭ، جاتتىقتىرۋ سپورتتىق مۇكاممالدىڭ بولۋىنىڭ ارقاسىندا ءبىز رەسپۋبليكالىق جانە حالىقارالىق سايىستاردا ۇزدىك ناتيجەلەرگە قول جەتكىزۋ ماقساتىندا دەنە ماشىعىن دامىتامىز»، - دەپ جەڭىسكە قول جەتكىزگەن ەفرەيتور مەيىرجان قالتايەۆ العان اسەرىمەن ءبولىستى.
سونىمەن قاتار، الداعى ەكى كۇندە رەسپۋبليكا چەمپيوناتىن وتكىزۋ اياسىندا ارميالىق دزيۋدوشىلار قوسىمشا ەكى سالماقتىق ساناتتا ۇسىنىلاتىن بولادى.
