بۇگىن قازاقتىڭ داڭقتى بالۋانى داۋلەت تۇرلىحانوۆتىڭ تۋعان كۇنى

داۋلەت بولات ۇلى تۇرلىحانوۆ 1963-جىلى 18- قاراشادا شىعىس قازاقستان وبلىسىنىڭ جارما اۋدانىندا دۇنيەگە كەلگەن. تۋريزم جانە سپورت اكادەمياسىن، ءال-ءفارابي اتىنداعى قازاق ۇلتتىق ۋنيۆەرسيتەتىن بىتىرگەن.

بالۋان، گرەك-ريم كۇرەسىنەن ەڭبەك سىڭىرگەن سپورت شەبەرى، قازاقستاننىڭ ەڭبەك سىڭىرگەن قايراتكەرى، قازاقستان جانە قىرعىزستان رەسپۋبليكالارىنىڭ ەڭبەك سىڭىرگەن جاتتىقتىرۋشىسى. قازاقستاننىڭ جانە حالىقارالىق تۋرنيرلەردىڭ جەڭىمپازى، ك س ر و- نىڭ جەتى دۇركىن چەمپيونى، ك س ر و حالىقتارى سپارتاكياداسىنىڭ كۇمىس جۇلدەگەرى، جانە جەڭىمپازى، ەۋروپا چەمپيونى، الەم چەمپيونى جانە كۇمىس جۇلدەگەرى، قولا جۇلدەگەرى، الەم كۋبوگىنىڭ ەكى مارتە جەڭىمپازى، 12- ازيا ويىندارىنىڭ جەڭىمپازى، ازيانىڭ ەكى دۇركىن چەمپيونى، 24-25-وليمپيادالىق ويىندارىنىڭ كۇمىس، قولا جۇلدەگەرى بولعان.

1995-1999-جىلدارى ەكى مارتە قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ سايلانعان. 2000-2006-جىلدارى تۋريزم جانە سپورت اگەنتتىگىنىڭ ءتوراعاسى، مادەنيەت، اقپارات جانە سپورت مينيسترلىگى سپورت كوميتەتىنىڭ ءتوراعاسى قىزمەتتەرىن اتقارعان. قىرعىزستان وليمپيادالىق قوزعالىسىن دامىتۋعا سىڭىرگەن ەڭبەگى ءۇشىن وليمپيادالىق وردەنمەن، FILA، ق ر ۇلتىق وليمپيادالىق كوميتەتىنىڭ التىن مەدالدارمەن، 1- دارەجەلى ۇلى پەتر وردەنىمەن، كوپتەگەن مەدالدارمەن ماراپاتتالعان. قازاقستاننىڭ ەڭبەك سىڭىرگەن قايراتكەرى (2000). ش ق و ءۇرجار اۋدانىنىڭ قۇرمەتتى ازاماتى.

ءبىز بۇگىن داڭىقتى بالۋانىمىزدىڭ 53 جاسقا تولعان مەرەيلى كۇنىمەن قۇتتىقتايمىز.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى