ءۇندىستاندا دوللارمەن اقشا ايىرباستاۋعا شەكتەۋ قويدى

بۇرىن ءبىر ادام 4 مىڭ رۋپياعا دەيىن الماستىرۋ مۇمكىندىگىنە يە بولسا، ەندى 2 مىڭ (30 دوللارعا جۋىق) رۋپيانى ءبىر رەت قانا اۋىستىرادى، دەپ حابارلايدى بي- بي- سي.

وتكەن اپتادا ءۇندىستاننىڭ پرەمەر- ءمينيسترى جەمقورلىقپەن كۇرەس جۇرگىزۋ اياسىندا اينالىمنان 500 (7 دوللار) جانە 1000 رۋپيالىق بانكنوتتاردى اينالىمنان شىعارۋ تۋرالى شەشىمدى حابارلادى. 500 جانە 1000 رۋپيالار ەلدەگى قولما- قول اقشا اينالىمىنىڭ %85- ىن قۇرايدى. ساراپشىلاردىڭ پىكىرىنشە، ءۇندىستانداعى وسىنداي «قارا اقشا» نارىعى جوعارى. ياعني، زاڭسىز جولمەن نەمەسە سالىق قىزمەتى ورگاندارىنان جاسىرىن تۇردە الىنعان اقشا تۋرالى ايتىپ تۇر. بيلىك ەڭ كوپ پايدالانىلاتىن قاعاز اقشانى قولدانىستان شىعارىپ، نارىق شونجارلارىن انىقتاماقشى. ءبىراق بۇل باستاما تابىسى تومەن ءۇندىستان تۇرعىندارىنا، سونداي-اق قولما-قول اقشامەن جۇمىس جاساۋعا ادەتتەنگەن بولشەك ساۋدامەن اينالىساتىن ساۋداگەرلەرگە اۋىر سوققى بولىپ ءتيدى.

ۇكىمەتتىڭ بۇل شەشىمى ەلدى دۇرلىكتىردى: حالىق بانكوماتتاردان قولما-قول اقشا اقشامەن شەشۋگە اسىقتى. سايىپ كەلگەندە، بيلىك قولما- قول اقشامەن شەشۋگە شەكتەۋ قويدى. شارۋا قوجايىندارى مەن جاس جۇبايلاردى قوسپاعاندا، ءۇندىستان تۇرعىندارىنا كۇنىنە 10 مىڭ جانە اپتاسىنا 24 مىڭ رۋپيادان (350 دوللار) ارتىق شىعارۋعا توسقاۋىل قويىلدى. تويعا دايىندىق جاساپ جاتقان وتباسىلارعا 250 مىڭ رۋپياعا دەيىن اقشا شەشۋگە رۇقسات ەتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى