عالىمدار سوتتا كۋالىك ەتە المايتىنداردىڭ ءتىزىمىن كەڭەيتۋدى ۇسىنىپ وتىر
دەگەنمەن، اتالعان تىزىمگە جولداس، سىنىپتاس، كورشى-قولاڭ سياقتى جاقىن ادامداردى دا قوسۋ قاجەت، دەپ ەسەپتەيدى ول. «ءدال وسى ماسەلە عالىمدار اراسىندا قىزۋ تالقىلانىپ جاتىر. نەگە دەسەڭىز، قازىرگى كەزدە كۋاگەرلىك يممۋنيتەتى بار ادامداردىڭ ءتىزىمى بەكىتىلگەن، ياعني ولار سوتتا كۋاگەرلىك ەتە المايدى. دەگەنمەن، دوستار، سىنىپتاستار، گرۋپپالاستار، كورشى-قولاڭ سياقتى جاقىن ادامداردا ونداي يممۋنيتەتتىڭ بولماۋى ايقىن دالەلدەردى الۋعا كەدەرگى كەلتىرىپ، سوت ادىلدىگىنە كەرى اسەرىن تيگىزەدى. ماسەلەن، ءسىزدى مەنىڭ دوسىم رەتىندە ماعان قارسى ايعاق بەرۋگە شاقىردى دەيىك. سوندا ءسىز ىشتەي مەنى ويلاپ، تەرگەۋدى مۇلدەم باسقا جاققا الىپ كەتۋىڭىز ابدەن مۇمكىن عوي. ءيا، ول زاڭعا قايشى. وندايدى جالعان اقپارات بەرۋ دەيدى. دەگەنمەن، ول ارەكەتتى الدىمەن دالەلدەۋ كەرەك. مىنە، سول سەبەپتى كۋاگەرلىك يممۋنيتەتى بار ادامداردىڭ قاتارىنا تۋعان- تۋىستارمەن بىرگە دوس- جاران سياقتى جاقىن ادامداردى دا قوسۋ تۋرالى ۇسىنىس بار»، - دەيدى س. تەمىربولاتوۆ.
ونىڭ ايتۋىنشا، ادام ءوز دوسىنا قارسى اشىق ءارى ناقتى ايعاق بەرگەن كۇننىڭ وزىندە ونىڭ ارتى ۇلكەن داۋ-دامايلارعا ۇلاسىپ جاتادى. ەكى دوستىڭ وتباسىلارى اراسىندا كيكىلجىڭدەر تۋىندايدى. وسىعان بايلانىستى عالىمدار سوتتا كۋالىك ەتە المايتىنداردىڭ ءتىزىمىن ۇلعايتۋدى ۇسىنىپ وتىر.
اۆتور: ارمان اسقاروۆ
