دەپۋتاتتار «قازاقستاندا جاسالعان» برەندىن دامىتۋ ماسەلەلەرىن تالقىلادى

ۇلتتىق «Made in Kazakhstan» برەندىن دامىتۋ» اتتى تاقىرىپتا قازاقستان رەسپۋبليكاسى پارلامەنتى ماجىلىسىندەگى «نۇر وتان» پارتياسىنىڭ فراكتسياسى جانىنداعى ەكونوميكالىق ساياسات جونىندەگى كەڭەستىڭ وتىرىسى بولدى. ءىس- شارانى ەكونوميكالىق ساياسات كەڭەسىنىڭ ءتوراعاسى، ءماجىلىستىڭ الەۋمەتتىك- مادەني دامۋ كوميتەتىنىڭ حاتشىسى بەيبىت مامرايەۆ جۇرگىزدى، دەپ حابارلايدى ءماجىلىستىڭ باسپا ءسوز قىزمەتىنەن.

قازاقستاننىڭ ەۋرازيالىق ەكونوميكالىق وداقتىڭ جانە دۇنيەجۇزىلىك ساۋدا ۇيىمىنىڭ مۇشەسى بولۋى وتاندىق تاۋارلاردىڭ الەمدەگى ساۋدا نارىقتارىندا باسەكەگە قابىلەتتىلىگىن ارتتىرادى. ساراپشىلاردىڭ ايتۋىنشا، بۇگىنگى كۇنى قازاقستاننىڭ وڭدەۋ ونەركاسىپتەرى قارقىندى دامۋدا. سونىمەن قاتار، قارا، ءتۇستى مەتاللۋرگيا، حيميالىق جانە فارماتسيەۆتيكالىق وندىرىستىك سەكتورلاردىڭ وزىندە دە ءوسۋ بايقالۋدا.

قازىرگى كەزدە قازاقستان دۇنيە ءجۇزىنىڭ 118 مەملەكەتتەرىنە وڭدەۋ ونەركاسىپتەرى شىعاراتىن تاۋارلاردىڭ 800 ءتۇرىن ەكسپورتقا شىعارادى. ال ماشينا جاساۋ جانە قۇرىلىس ماتەريالدارىن شىعارۋ سالالارىنداعى وندىرىستە باسەڭسۋ بايقالادى. پروبلەمالاردى تالقىلاۋ بارىسىندا، ق ر پارلامەنتى ءماجىلىسىنىڭ دەپۋتاتتارى ەكونوميكانىڭ شيكىزاتتىق ەمەس تاۋارلار شىعارۋ سالاسىنداعى ىسكە قوسىلعان جانە ولارعا تاۋارلاردى ەكسپورتتىق شىعارۋ، ەكسپورتقا شىعارۋعا دايىندىق جاساۋعا نەسيە بەرۋ ارقىلى قولدانىستاعى كاسىپورىنداردى قارجىلاندىرۋ بيزنەس سۋبەكتىلەرىنە قولداۋ كورسەتۋ شارالارى شيكىزاتتىق ەمەس تاۋارلاردى ەكسپورتقا شىعارۋ بولىگىن ارتتىرۋ بويىنشا ماسەلەلەردى كەشەندى شەشۋگە جەتكىلىكسىز جانە جەتىلدىرمەگەندىگىن اتاپ ءوتتى.

تاجىريبە كورسەتىپ وتىرعانداي، قازاقستاننىڭ ساۋدا سورەلەرىندەگى تاۋارلاردىڭ باسىم بولىگى شەتەلدىك تاۋارلاردىڭ ۇلەسىندە، ال وتاندىق تاۋارلاردى سىرتقى نارىققا شىعارۋ ءىس- شارالارى تەك قانا شەتەلدەردە اقپاراتتىق- جارنامالىق ستەندتەر ىلۋمەن، كورمەلەر، ساۋدا ميسسيالارىن وتكىزۋمەن شەكتەلۋدە. وتىرىسقا قازاقستان رەسپۋبليكاسىنىن پارلامەنت ءماجىلىسى دەپۋتاتتارى، مينيسترلىكتەر، ۇلتتىق كومپانيالار، وڭدەۋ ونەركاسىبىنىنىڭ، ب ا ق- تىڭ باسشىلارى مەن وكىلدەرى قاتىسادى.

كەڭەس وتىرىسىندا قازاقستان رەسپۋبليكاسىنىڭ ينۆەستيا جانە دامۋ مينيسترلىگىنىڭ ۆيتسە- ءمينيسترى ت. توقتابايەۆ، «بايتەرەك» ۇلتتىق باسقارۋشى حولدينگى» ا ق باسقارما ءتوراعاسىنىڭ ورىنباسارى ل. ە. يبراگيموۆا، «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ ءتوراعا ورىنباسارى ت. شوتانوۆا، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، ەكونوميكالىق ساياسات جونىندەگى كەڭەسىنىڭ مۇشەسى ا. پ. شاراپايەۆ، «قازاگرو» ۇلتتىق باسقارۋشى حولدينگىنىڭ باسقارما ءتوراعاسى ن. ت. مالەلوۆ، «قازاقستاندا جاسالعان» تاۋار وندىرۋشىلەردىڭ جانە كاسىپكەرلەردىڭ قاۋىمداستىعى» زاڭدى تۇلعالار بىرلەستىگىنىڭ ءتوراعاسى و. ا. قۇدايبەرگەنوۆ بايانداما جاسادى.

ءىس- شاراعا «نۇر وتان» پارتياسى مەن فراكسيا باسشىلىقتارى، قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى، قازاقستان رەسپۋبليكاسىنىڭ ينۆەستيتسيالار جانە دامۋ، اۋىل شارۋاشىلىعى، ۇلتتىق ەكونوميكا جانە سىرتقى ىستەر مينيسترلىكتەرىنىڭ، ۇلتتىق «اتامەكەن» كاسىپكەرلەر پالاتاسىنىڭ، دامۋ ينستيتۋتتارىنىڭ، وڭدەۋ ءوندىرىس كاسىپورىندارى مەن بۇقارالىق اقپارات قۇرالدارىنىڭ باسشىلار جانە وكىلدەرى قاتىستى. كەڭەس وتىرىسىنىڭ قورىتىندىسى بويىنشا ۇسىنىمدار قابىلداندى.

شارا بارىسىندا قاتىسۋشىلار «Made in Kazakhstan» برەندىنىڭ تاۋارلارىنا ۇيىمداستىرىلعان كورمەنى تاماشالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى