مينيستر ساعاديەۆ الىپپەنى مەكتەپكە قايتادان الىپ كەلەتىنىن جاريالادى

بۇل تۋرالى newtimes.kz حابارلايدى.

«12 جىلدىققا كوشۋدەگى ماقسات - 5-6 جاستاعى بالالار ءۇشىن 0-سىنىپتى ەنگىزۋ. زەرتتەۋ كورسەتكەندەي بالا قانشالىقتى ەرتە جاستان بىلىمگە بەيىمدەلسە، سونشالىقتى جەتىستىككە جەتۋ كورسەتكىشى دە ارتادى. سول سەبەپتى بارلىق دامىعان ەلدەر بالانى وقىتۋدى ەرتە باستايدى. 0-سىنىپ جۇيەسى 2019 -جىلدىڭ 1 -قىركۇيەگىنەن باستالادى. ءبىراق، قازىرگى تاڭداعى وقىتۋشىلار مەن اتا-انالاردىڭ وتىنىشىنە وراي ءبىز ونى ەرتە، ياعني، 2017 -جىلى «سىناق» تۇرىندە ەنگىزەمىز، ال ءارى قاراي بايقاپ كورەمىز»، - دەدى ساعاديەۆ.

مينيستر 0-سىنىپتىڭ مەكتەپتە دە، بالاباقشادا دا بولاتىنىن ايتتى. ونىڭ سوزىنشە، بارلىق مەكتەپتەردىڭ اتالمىش جۇيەگە دايىن بولماۋى سەبەپتى بالاباقشادا دا اتالمىش سىنىپتى قالدىرعان. ساعاديەۆ 0-سىنىپ وقۋشىلارى كۇنىنە 20-35 مينۋتتان تۇراتىن 3-4 ساباق وتەتىنىن ايتتى.

«سونىمەن قاتار، 0-سىنىپتا الىپپە دە وقىتىلادى. قازىر ءبارى سونى قايدا كەتتى دەپ سۇراپ جاتىر. 0-سىنىپتار ءۇشىن 5 جاستان باستاپ الىپپە مىندەتتى تۇردە وقىتىلماق»، - دەدى مينيستر.

بۇعان دەيىن ءماجىلىس دەپۋتاتى بەكبولات تىلەۋحان مەكتەپ باعدارلاماسىنان الىپپەنىڭ الىنىپ تاستالۋىن قاتاڭ سىناعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى