نۇرجامال ۇسەنبايەۆا الپىسقا جاقىنداسا دا، جاس كورىنۋىنىڭ قۇپياسىن اشتى

ونىڭ قانداي دا ءبىر قۇپياسى بار ما؟ وپەرا ءانشىسى "زامانا" باسىلىمىنا بەرگەن سۇحباتىندا بۇل قۇپيالارىن ەلگە ايتىپ بەردى.

"مەن وسەك- اياڭعا، ونەر ادامدارىنىڭ اراسىنداعى سىپسىڭ سوزدەرگە ەش ۋاقىتتا ءمان بەرگەن ەمەسپىن. ول ءۇشىن ۋاقىتىمدى دا، جۇيكەمدى دە ايايمىن. كوپ اشۋلانبايمىن. اينالامداعى ادامداردىڭ ءبىتىم- بولمىسى قانداي، ولاردى سول كۇيىندە قابىلدايمىن. جاس كورىنۋىمنىڭ باستى سەبەبى - وسى.

ال ەكىنشىدەن، تولەگەن ەكەۋمىز تازا اۋادا، تاۋ بوكتەرىندە سەرۋەندەگەندى، باسسەينگە بارعاندى ۇناتامىز. وزگە انشىلەر سەكىلدى جارىتىپ ديەتا دا ۇستامايمىن. تابەتىم تارتسا، الدىمدا تۇرعاننىڭ ءبارىن جەي بەرەمىن. ءبىراق ءجيى گيمناستيكالىق جاتتىعۋلار جاساپ تۇرامىن. سونداي-اق كوسمەتولوگتار مەن ماسساجيستەردىڭ كومەگىنە جۇگىنەتىن كەزدەرىم بولادى.

دەنساۋلىقتى كۇتۋ ءۇشىن بىرەۋگە جاماندىق ويلاۋعا، تەرىس ەموتسيالار شىعارۋعا بولمايدى. ۇنەمى جاقسى ويدا بولۋ، قۋانىشتى ءجۇرۋ اسىرەسە ايەلدەردى ادەمى كورسەتەدى جانە جاسارتادى.

جالپى، ءار ادام ءوزىنىڭ ارمانىنا ۇمتىلعانى ءجون. ول ءۇشىن، البەتتە، تەك ەڭبەكتەنۋ كەرەك. وزىڭە سەنۋىڭ، ءومىردى ءسۇيۋىڭ قاجەت. ارمانىڭا جەتەلەر جول - ەڭ قىزىقتى ءارى قيىن جول. باستىسى، سول جولدان تايماۋعا ءتيىسسىڭ"، - دەدى ءانشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى