قازاقستاندىقتار نەسيەنى كوبىرەك الا باستادى

بۇگىن سەناتتىڭ جالپى وتىرىسىندا ۇلتتىق بانك ءتوراعاسى دانيار اقىشەۆ وسىلاي ءمالىم ەتتى، دەپ حابارلايدى قازاقپارات. «بانكتەردىڭ ەكونوميكاعا نەسيەلەرىنىڭ قالدىعى اعىمداعى جىلى وزگەرگەن جوق، ياعني 12,7 تريلليون تەڭگە. الايدا، 2016 -جىلعى 9 ايدا بەرىلگەن نەسيەلەردىڭ كولەمى 525 ميلليارد تەڭگەگە ۇلعايىپ، 7,2 تريلليون تەڭگە بولدى»، - دەدى د. اقىشەۆ.

ۇلتتىق بانك باسشىسى تەڭگەمەن بەرىلگەن نەسيەلەر بويىنشا سىياقى مولشەرلەمەلەرىنىڭ قاڭتارداعى 23,7 پايىزدان قىركۇيەكتە 16,3 پايىزعا دەيىن تومەندەگەنىن اتاپ ءوتتى. «ۇلتتىق بانك قارجىلىق تۇراقتىلىقتى قامتاماسىز ەتۋ جۇمىسىن جالعاستىراتىن بولادى. ەل ەكونوميكاسىنداعى داعدارىستى قۇبىلىستار ساقتالعان جاعدايدا ۇلتتىق بانك قارجى نارىعىن رەتتەۋدىڭ قارسى سيكلدىق سيپاتىن ۇستانادى، بانك سەكتورىنىڭ جاعىمسىز جاعدايلارعا ورنىقتىلىعىنا ۇنەمى باعالاۋ جۇرگىزەتىن بولادى»، - دەپ قورىتىندىلادى د. اقىشەۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى