مەرۋەرت تۇسىپبايەۆا: كۇيەۋىمە اقشا ۇسىنىپ، مەنى ءبىر تۇنگە سۇراعاندار دا بولدى
بۇل تۋرالى ول «جۇلدىزدار وتباسى» جۋرنالىنا بەرگەن سۇحباتىندا ايتتى.
ءانشى ءوزىنىڭ بۇرىنعى جارى، ونىمەن قارىم- قاتىناسى تۋرالى سىر شەرتتى. ونىڭ ايتۋىنشا، ۇلى نۇرعيسانىڭ اكەسى، ياعني بۇرىنعى كۇيەۋىمەن ول ءالى ارالاسىپ تۇرادى. ءتىپتى ونىڭ قازىرگى وتباسىنا كومەك قولىن ۇسىنىپ، ءوزارا دوس بولىپ كەتكەنىن دە جاسىرمادى.
سونىمەن بىرگە، قازىرگى ەر ادامداردىڭ ۇساقتالىپ كەتكەنىنە نازار اۋدارعان ءانشى ويلارى لاس ەركەكتەر دە ءومىر جولىندا ءجيى كەزدەسىپ جاتاتىنىن تىلگە تيەك ەتتى.
ماسەلەن، ونىڭ كۇيەۋىنە اقشا ۇسىنىپ، ايەلىڭدى ءبىر تۇنگە بەر دەپ قولقا سالعاندار دا بار ەكەن.
«جولداسىممەن ەندى عانا باس قوسقان جىلدارى ەكەۋمىز ءبىر تويعا باردىق. سوندا مەنىڭ كۇيەۋىمدى سىرتقا شاقىرىپ الىپ: «مەن ساعان پالەن مىڭ دوللار تولەيمىن. ايەلىڭدى ءبىر تۇنگە بەر»، - دەگەن دە ۇياتسىزدار بولعان»، - دەيدى ءانشى.
ەركەكتەر تاراپىنان سۇقتانعاندار كوپ بولعانىن ءسوز ەتكەن ءانشى: «شالبار كيگەننىڭ ءبارىن ەركەك دەپ ايتا المايمىن! كەيبىر ازاماتتار دورەكىلىك تە كورسەتىپ جاتادى. اشىق ايتقانىم ءۇشىن كەشىرىڭىز، «ساتۋلى ادامدار» دەپ ويلاپ، ارام ويىن ىسكە اسىرعىسى كەلەتىندەرى قانشاما؟!»، - دەدى مەرۋەرت.
ماقالانىڭ اۆتورلىق تاقىرىبى: ول كىسى مەنى وسى قالپىمدا ءسۇيدى.
(...تولىق نۇسقاسى «جۇلدىزدار وتباسى» جۋرنالىنىڭ №15 (56) -تامىز، 2009 -جىلعى سانىندا)
سۇحباتتاسقان ءاليا قۇدايبەرگەنوۆا
