ەلباسى الماتى قالاسىنىڭ اكىمى باۋىرجان بايبەكتى قابىلدادى

الماتى قالاسىنىڭ اكىمى ۋنيۆەرسيادانى وتكىزۋگە دايىندىقتىڭ كەستەگە سايكەس ءجۇرىپ جاتقانىن ايتتى. سونداي-اق، ب. بايبەك قازاقستان پرەزيدەنتىنە الداعى ۋنيۆەرسياداعا الەمنىڭ 57 ەلىنىڭ وكىلدەرى قاتىسۋعا نيەت بىلدىرگەنىن مالىمدەدى.

اكىمنىڭ ايتۋىنشا، حالىقارالىق ستۋدەنتتىك سپورت فەدەراتسياسى ۋنيۆەرسيادا-2017 ستۋدەنتتىك ويىندار تاريحىنداعى ەڭ ءىرى جارىس بولۋعا ءتيىس دەپ بولجاپ وتىر. بۇدان بولەك، بايبەك نۇرسۇلتان نازاربايەۆتى الماتى قالاسىنىڭ الەۋمەتتىك-ەكونوميكالىق دامۋى بارىسىنان حاباردار ەتتى.

بيىلعى 9 ايدىڭ قورىتىندىسى بويىنشا، قالانىڭ وڭىرلىك جالپى ءونىم كولەمى %2,8 عا ارتقان، شاعىن جانە ورتا بيزنەستى نەسيەلەۋ %35 عا ءوسىپ، 20 مىڭنان استام جاڭا جۇمىس ورنى اشىلعان، سونداي-اق قالانىڭ شاعىن جانە ورتا بيزنەس سۋبەكتىلەرى ءونىمىنىڭ كولەمى %30 عا ارتقان. كەزدەسۋ قورىتىندىسى بويىنشا ەلباسى ءبىرقاتار ناقتى تاپسىرما بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى