وباما ترامپ جايلى: ەكەۋمىزدىڭ ارامىز جەر مەن كوكتەي
16- قاراشادا باراك وباما دەموكراتيانىڭ وتانى - افينىدا ءسوز سويلەدى دەپ حابارلايدى ورتالىق ازيانىڭ جاڭالىقتار قىزمەتى.
«مەن جانە امەريكانىڭ كەلەسى پرەزيدەنتىنىڭ اراسى جەر مەن كوكتەي»، - دەدى دەموكراتيالىق پارتيانىڭ وكىلى وباما.
سوڭعى رەت شەتەلگە رەسمي ساپارمەن شىققان وباما ا ق ش- تىڭ جاڭادان سايلانعان پرەزيدەنتى دونالد ترامپ تۋرالى بىلاي دەدى: «ءبىزدىڭ كوزقاراستارىمىز ءارتۇرلى».
ونىڭ پىكىرىنشە، ازاماتتار جەتەكشىلەرىن تاڭداي ءبىلۋى كەرەك، سول سەبەپتى ونىڭ اكىمشىلىگى بيلىكتى دۇرىستاپ تاپسىرۋعا بارىن سالاتىن بولادى، ويتكەنى «دەموكراتيالىق ەلدەردە وسىلاي جۇمىس ىستەيدى».
