قازاقستانعا كەلگەن گوللانديا ەلشىسى رەسەيدى ۇلگى تۇتپاۋعا شاقىردى
بۇل تۋرالى «اق جايىق» باسىلىمى حابارلايدى.
كوپتەگەن ماڭىزدى سۇراقتارعا جاۋاپ بەرگەن ەلشى قازاقستان مەن ورتا ازيا ەلدەرى ءۇشىن بولاشاقتا رەسەيدىڭ ۇلگى بولمايتىنىنا باسا نازار اۋداردى.
«ەكىنشى دۇنيەجۇزىلىك سوعىستان كەيىن الەمدە بەلگىلى ءبىر ءتارتىپ ورنادى. مۇندا باستى ەلەمەنتتەردىڭ ءبىرى - مەملەكەتتىك شەكارانىڭ بەرىكتىك پرينتسيپى بولىپ تابىلادى. باتىس مۇنى زاڭدى الاڭدا جانە كەڭەس وداعىمەن بىرگە جاسادى.
سوڭعى 70 جىل ىشىندە العاش رەت ءبىر مەملەكەت ەكىنشى مەملەكەتتىڭ شەكاراسىن كۇشپەن اۋىستىردى. مەن ءوزىڭىز ءتۇسىنىپ وتىرعانداي، قىرىم اننەكسياسىن ايتىپ وتىرمىن. بۇل ءبىز ءۇشىن تۇسىنىكسىز جانە قابىلدانبايتىن ارەكەتتەر. سوندىقتان دا سانكسيالار ەنگىزىلدى.
ە و سانكسياسى مەن ەكونوميكاسىنا كەلەر بولساق، رەسەي ەكونوميكا تۇرعىسىندا، ايتالىق، يسپانيامەن سالىستىرمالى تۇردە وتە ۇلكەن ەل ەمەس. شىعىس- ەۋروپالىق جانە ورتا ازيا ەلدەرى ءۇشىن بولاشاق رەسەيدە ەمەس، بىزدە، باتىس ەۋروپا مەن ا ق ش- تا ەكەنى ايقىن»، - دەدى ەلشى.
سونىمەن قاتار، ديرك يان كوپ جاقىندا ا ق ش پرەزيدەنتى بولعان دونالد ترامپقا قاتىستى پىكىرىن دە ءبىلدىردى.
«ترامپ قانشا قالاسا دا، الدەبىر نەگىز بولاتىن پرينتسيپتەردى بۇزىپ، ءبارىن كۇرت وزگەرتە المايدى. نە بولاتىنىن كورەمىز. ارينە، وزگەرىستەر بولادى - حالىقارالىق ساۋدا قاتىناستارىندا، كوشى- قون پروتسەستەرىندە جانە ت. ب. سودان سوڭ ءتورت جىلدان كەيىن تاعى دا سايلاۋ بولادى عوي»، - دەدى ەلشى.
