كەيكى باتىر مەموريالى قايدا سالىناتىنى انىقتالدى
جۇمىس ساپارىنىڭ اياسىندا ءوڭىر باسشىسى امانگەلدى اۋدانىنىڭ تاستى اۋىلى ماڭىندا ورنالاسقان كەيكى باتىر (نۇرماعامبەت كوكەمباي ۇلى) كەسەنەسىنە بارىپ شىقتى.
ەستەرىڭىزگە سالا كەتەيىك، ق ر ۇكىمەتىنىڭ تاپسىرماسىمەن باتىردىڭ دەنە سۇيەكتەرىن سالتاناتتى جەرلەۋ بويىنشا ءىس- شارالار جوسپارلانعان. قازىرگى ۋاقىتتا باس سۇيەكتىڭ گەنەتيكالىق ساراپتاماسى جانە اڭىزعا اينالعان قازاق مەرگەنىنىڭ بەينەسىن قالپىنا كەلتىرۋ بويىنشا جۇمىستار جۇرگىزىلۋدە. كەلەسى جىلى كوكتەمدە مادەنيەت جانە سپورت مينيسترلىگى كەيكى باتىردىڭ دەنەسىن ىزدەستىرۋ جونىندە ەكسپەديتسيا ۇيىمداستىرۋعا باستاماشىلدىق جاسايتىن بولادى. بىزگە بەلگىلىسى، ونىڭ دەنە سۇيەكتەرىن جەرلەۋدىڭ بولجامدى ورنى دا امانگەلدى اۋدانىنىڭ جالاۋلى جەرىندە. مۇنىمەن قوسا، قوستاناي وبلىسىنىڭ اكىمدىگى كەيكى باتىردىڭ دەنە سۇيەكتەرىن جەرلەۋگە دايىندىق جونىنەن ۇيىمداستىرۋشىلىق جۇمىسىن جۇرگىزىپ جاتىر.
ارحيمەد مۇحامبەتوۆتىڭ اتاپ وتكەنىندەي، قازىرگى ۋاقىتتا ەلىمىزدىڭ تانىمال ساۋلەتشىلەرى مەموريالدىق كەشەن نوبايىن ازىرلەۋدە. نوبايدىڭ تاڭداۋلى نۇسقاسى ايقىندالعاننان كەيىن وبلىس جوبالاۋ- سمەتالىق قۇجاتتاماسىن ازىرلەۋگە كىرىسەدى، ال الداعى جىلدىڭ مامىرىندا ونىڭ قۇرىلىسىن باستاۋ جوسپارلانىپ وتىر. مەموريال باتىردىڭ ۇرپاقتارى سالدىرعان قازىرگى شاعىن كەسەنەدەن قاشىق ەمەس جەردە ورنالاستىرىلاتىن بولىپ شەشىلدى.
«جاڭا مەموريالدىك كەشەننىڭ قۇرىلىسى بويىنشا بارلىق جۇمىستار الداعى جىلعى تامىزدا اياقتالاتىن بولۋعا ءتيىس. قىركۇيەككە، ۇكىمەتپەن كەلىسىم بويىنشا، سالتاناتتى ءىس- شارانى جانە داڭقى جايىلعان باتىردىڭ سۇيەكتەرىن جەرلەۋدى جوسپارلايتىن بولامىز»، - دەپ اتاپ ءوتتى ارحيمەد مۇحامبەتوۆ.
ارقالىقتا وبلىس اكىمى الەۋمەتتىك وبەكتىلەرىنە بارىپ شىقتى، قالانى اباتتاندىرۋ بارىسىمەن تانىستى. «الداعى جىلى قالانىڭ اكىمدىگى كەيكى باتىردىڭ سۇيەكتەرىن جەرلەۋ اياسىنداعى ءىس- شارالارعا دايىندىق جونىنەن ۇلكەن جۇمىس تىندىرۋعا ءتيىس. بۇل قالانىڭ ينفراقۇرىلىمىن جاقسارتۋعا، ءبىرقاتار الەۋمەتتىك وبەكتىلەرىن تارتىپكە كەلتىرۋگە مۇمكىندىك بەرەدى. وسى ماقساتپەن بارلىق ءىس- شارالاردى تاپ وسى ارقالىقتا وتكىزۋگە شەشىم قابىلدانعان بولاتىن»، - دەپ اتاپ ءوتتى وبلىس اكىمى وبلىستىڭ جانە قالانىڭ باسشىلىعى قاتىسقان جۇمىس كەڭەسىندە.
2017 -جىلى مادەنيەت سارايى مەن ۇسىنىلعان ەكسپوناتتارى بويىنشا ەلىمىزدىڭ 10 تاڭداۋلى مۋزەيىنىڭ ءبىرى بولىپ سانالاتىن وبلىستىق دالا ولكەسى تاريحى مۋزەيىنە كۇردەلى جوندەۋ جاسالاتىن بولادى. قالانىڭ نەگىزگى - دەمچەنكو، قايىربەكوۆ، بايتۇرسىنوۆ، اباي كوشەلەرىن جوندەۋگە 600 ميلليون تەڭگەدەن استام قارجى باعىتتالادى. سونداي- اق اۋليەكول- جالداما جولىن ورتاشا جوندەۋ جوسپارلانعان.
«بۇل قالانىڭ جالپى ينفراقۇرىلىمىن جاقسارتۋعا مۇمكىندىك بەرەدى. باستى نازار قالا تۇرعىندارىنا ۇزاق جىلدار بويى قىزمەت ەتەتىن جۇمىس تۇرلەرىنە اۋدارىلعانى ءجون. «كوركەيە بەر، قوستاناي» اكسياسىنىڭ اياسىندا قالا كاسىپكەرلەرى اباتتاندىرۋعا قاتىسۋعا ءتيىس - ءوز عيماراتتارىنا جوندەۋ جۇرگىزسىن، ولاردىڭ قاسبەتتەرىن جاقسارتسىن، ىرگەلەس اۋماقتارىن تارتىپكە كەلتىرسىن»، - دەدى ارحيمەد مۇحامبەتوۆ.
