اتىراۋ تۇرمەسىندە سۇلۋلىق حانشايىمى انىقتالدى - فوتو
بۇل تۋرالى اتىراۋ وبلىستىق قىلمىستىق- اتقارۋ جۇيەسى دەپارتامەنتى (ق ا ج) «قازاقپارات» ح ا ا- عا حابارلادى.
«ءىس- شارانىڭ باستى ماقساتى - سالاۋاتتى ءومىر سالتىن قالىپتاستىرۋ، رۋحاني جانە فيزيكالىق تۇرعىدا ورىستەۋ. بوس ۋاقىتىن ۇتىمدى پايدالانۋ ارقىلى ادامگەرشىلىك جانە ەستەتيكالىق تاربيەنى دارىپتەۋ دە نازاردان تىس قالمادى. سوندىقتان بۇل جارىسقا نيەت بىلدىرگەن نازىك جاندىلاردىڭ بارلىعى قاتىسىپ، كيىمدەرىن وزدەرى دايىندادى»، - دەيدى ۋگ-157/11 مەكەمەسىنىڭ قىزمەتكەرى اسەل مەدەكەشوۆا.
ونىڭ ايتۋىنشا، تەك ەر كىسىلەردەن قۇرالعان قازىلار القاسىنىڭ قۇرامىنداعى ق ا ج بەن ۇ ە ۇ وكىلدەرى جەڭىمپازداردى ءتۇرلى نوميناتسيالار بويىنشا انىقتاعان. ءبىرىنشى ورىندى اۋىر قىلمىسپەن التى جىلعا جازالانعان ارشات ج.، ەكىنشى جانە ءۇشىنشى ورىنداردى الاياقتىق جاساعاندارى ءۇشىن ءتورت جىلعا جازالانعان شولپان ت. مەن جانەل ب. جەڭىپ الدى. جارىس جۇلدەگەرلەرى مەن قاتىسۋشىلارى سىيلىقتار مەن گراموتالارعا يە بولدى.
