الماتى وبلىسىنىڭ اكىمى تاۋەلسىز قازاقستاننىڭ ۇزدىك ينجەنەرى اتاندى
بۇل تۋرالى بۇگىن الماتى قالاسىنداعى «تۇران» ۋنيۆەرسيتەتىندە وتكەن «تاۋەلسىز قازاقستاننىڭ ۇزدىك ينجەنەرى» جانە «2016 -جىلدىڭ ۇزدىك ينجەنەرى» رەسپۋبليكالىق كونكۋرستارىنىڭ جەڭىمپازدارىن ماراپاتتاۋ سالتاناتىندا بەلگىلى بولدى، دەپ حابارلايدى قازاقپارات ءتىلشىسى. شارانى اشقان قازاقستان رەسپۋبليكاسى ۇلتتىق ينجەنەرلىك اكادەميانىڭ پرەزيدەنتى باقىتجان جۇماعۇلوۆ كونكۋرستىڭ نەگىزگى ماقساتى وڭىرلەردى دامىتۋدى ىنتالاندىرۋ، الەۋمەتتىك- ەكونوميكالىق دامۋدىڭ بارلىق ماڭىزدى باعىتتارىندا ىلگەرىلەۋدى جۇزەگە اسىرۋ ەكەنىن اتاپ ءوتتى.
«ينجەنەرلەر ەكونوميكانىڭ بارلىق سالالارى - ءوندىرىستىڭ، اۋىل شارۋاشىلىعىنىڭ، كەن ءوندىرۋ جانە باسقا دا سالالاردىڭ دامۋىنا زور ۇلەس قوسىپ كەلەدى»، - دەدى ب. جۇماعۇلوۆ. كونكۋرس قورىتىندىسى بويىنشا «تاۋەلسىز قازاقستاننىڭ ۇزدىك ينجەنەرى» جوعارى اتاعىنا الماتى وبلىسىنىڭ اكىمى اماندىق باتالوۆ يە بولدى. ايماق باسشىسىنا التىن مەدال مەن ديپلومدى ۇلتتىق ينجەنەرلىك اكادەميانىڭ كونكۋرستىق كوميسسياسىنىڭ ءتوراعاسى، اكادەميا پرەزيديۋمىنىڭ مۇشەسى، اكادەميك اسقار ق ۇلىبايەۆ تاپسىردى. ينجەنەرلىك يدەيالاردىڭ جاڭاشىل باستاماشىسى، ءوندىرىستىڭ ءىرى ۇيىمداستىرۋشىسى الماتى وبلىسىنىڭ اكىمى ا. باتالوۆتىڭ باسشىلىعىمەن وڭىردە 2010-2016 -جىلدارى 50 ينۆەستيتسيالىق جوبا جۇزەگە اسىرىلىپ، 7515 جاڭا جۇمىس ورنى اشىلعانى، 158 جاڭا نىسان پايدالانۋعا بەرىلىپ، قولدانىستاعى 60 كاسىپورىن كەڭەيتىلگەنى اتاپ ءوتىلدى.
ا. باتالوۆتىڭ شىعارماشىلىق ينجەنەرلىك ويلارى مەن ماقساتقا جەتۋدەگى تاباندىلىعىنىڭ ارقاسىندا وبلىس ورتالىعى جاڭارىپ- جاڭعىردى، جاڭا يننوۆاتسيالىق، ەلەكتروندى كەشەندى جەر كارتاسى جاسالدى، گازداندىرۋ ىسىندە اۋقىمدى جۇمىستار ءجۇرىپ جاتىر، بالقاش كولىن ساقتاۋ مەن دامىتۋعا جاعداي جاسالۋدا، سۋارىلاتىن جەرلەردىڭ كولەمى ارتىپ، جاڭا سۋارمالى جەرلەر يگەرىلۋدە، قىزىلشا شارۋاشىلىعى قالپىنا كەلتىرىلدى، سول سياقتى ءوڭىردىڭ الەۋمەتتىك- ەكونوميكالىق دامۋىندا باسقا دا تولايىم تابىستارعا قول جەتكىزىلدى.
ءوز كەزەگىندە وبلىستىڭ ءبىرىنشى باسشىسى كونكۋرستىڭ ۇيىمداستىرۋ كوميتەتىنە جەتىسۋ ءوڭىرىنىڭ دامۋىن جوعارى باعالاعانى ءۇشىن ريزاشىلىعىن ءبىلدىردى. «الماتى وبلىسى - الەۋەتى زور ايماق. قازىرگى كەزدە زور قارقىنمەن دامىپ كەلەدى. تاۋەلسىزدىكتىڭ 25 جىلى ىشىندە كوپتەگەن ناتيجەلەرگە قول جەتكىزىلدى. ماسەلەن، 1991 -جىلى وبلىس بيۋدجەتى 11,7 ميلليارد تەڭگەنى قۇراسا، بۇل كورسەتكىش بيىلعى جىلى 403 ميلليارد تەڭگەگە جەتتى، سونىڭ 140 ميلليارد تەڭگەدەن استامىنىڭ ءوزى ءبىر عانا ءبىلىم سالاسىنا باعىتتالىپ وتىر»، - دەدى ا. باتالوۆ.
اتاپ وتسەك، كونكۋرستىق كوميسسيانىڭ قاراۋىنا ەلىمىزدىڭ بارلىق وڭىرلەرىنەن 200 دەن استام ۇمىتكەر ۇسىنىلعان.
اۆتور: سامال قابىشەۆا
