ەركە ەسماحاننىڭ بۇرىنعى كۇيەۋى ەركە جايلى ايدى اسپانعا ءبىر-اق شىعاراتىن اقيقاتى بارىن ايتتى
كۇنى كەشە وتاندىق باعدارلامالاردىڭ بىرىندە ەركە ەسماحانعا بۇرىنعى كۇيەۋى مەن وتباسى جايلى سۇراقتار قويىلدى. سوندا ءانشى ۇلىن ويلاعاندىقتان، ونىڭ اكەسىنە، ياعني اسحات سادىربايعا قاتىستى ءبىراز جايتتى جاسىرىپ قالعانىن ايتقان ەدى. ەركەنىڭ ءسوزى اسحاتتىڭ شامىنا تيسە كەرەك-تى، ول ءوز جاۋابىن بەردى.
«اركىمنىڭ ءوز اقيقاتى بار. شىندىقتى ايتقاندى مەن دە قاتتى جاقسى كورەمىن جانە ايتا الامىن دا. ءبىراق، كوپ رەتتە مەن ءوزىمدى سابىرلىققا شاقىرىپ، كەزەكتى سيركتى تاماشالاپ وتىرا بەرەمىن. ايتپەسە اللانىڭ اتىمەن انت ەتەيىن، مەندە دە ايدى اسپانعا ءبىر-اق شىعاراتىن اقيقات بار، جەتەدى. ايتپايمىن، ويتكەنى الدىمەن ويلايمىن، توقتايمىن. ايتار بولسام مەنىڭ اقيقاتىم وتىرىگىمەن قوسىپ وكپەسىن تەسىپ ءوتىپ، وزەگىن ورتەپ جىبەرەدى. ەندى ايتامىن با؟ ايتسام قاشان؟ بىلمەيمىن...» - دەپ جازدى ول جەلىدەگى پاراقشاسىندا.
ودان كەيىن جۋرناليست قوعامدا بولىپ جاتقان وزەكتى جايتتاردى تالقىلاماي، ەلدىڭ الدىندا جۇرگەن تانىمال ازاماتتاردىڭ جەكە ءومىرىن ساراپقا سالاتىن تەلەارناعا سىن تاقتى. ايتۋىنشا، جىل سايىن نەگە ەكەنى بەلگىسىز، وسى مەزگىلدە ب ا ق قۇرالدارى ونىڭ بۇرىنعى وتباسىنا قاتىستى مالىمەتتەردى قازبالايدى.
«جىل سايىنعى وسى ۋاقىتتا مەنىڭ وتكەنىمدى وسەكتەۋ ءداستۇرى بيىل دا جالعاسىن تاۋىپتى. اۋاعا كەتكەن ەفيردىڭ ەسىل ۋاقىتى-اي. تەلەارنالار سول سورپانىڭ ورنىنا قوعامعا پايدالى دۇنيە كورسەتسە، الەۋمەتتىك ماسەلەلەرگە توقتالسا، قاقاعان سۋىقتا ماقتا تەرىپ، تابانىنان سىز ءوتىپ جاتقان جاندار جايلى دابىل قاقسا، قارا نانعا مۇقتاجداردىڭ مۇڭىن شاقسا، توسەكتەن تۇرا الماي دارىگە ءزارۋ بوپ جاتقان بالاپاندار جايلى ايتسا، باسقا دا ماڭىزدى ماسەلەلەرگە ەفيردەن ۋاقىت بولسە بولماي ما؟ بولادى. ءبىراق...» - دەپ اياقتادى ءسوزىن تانىمال تەلەجۇرگىزۋشى.
ەستەرىڭىزگە سالا كەتەيىك، اسحات سادىرباي مەن ەركە ەسماحان بۇرىن نەكەدە بولعان. ەكەۋىنىڭ ءمۇسلىم ەسىمدى ۇلدارى بار. الايدا بەلگىسىز سەبەپتەرمەن كوپ ۇزاماي ولاردىڭ شاڭىراعى شايقالدى. ەركە بۇرىنعى زايىبىنىڭ وزىنە قول كوتەرگەنىن، سىيعا بەرگەن زاتتارىن قايتارىپ العانىن ايتىپ ايىپتاسا، اسحات بۇل ورايدا ءۇنسىز قالدى. ەسەسىنە سادىربايدىڭ اناسى ب ا ق- قا بەرگەن سۇحباتىندا ەركەنىڭ ۇردى دەگەنىن جالعان سوزگە بالادى.
