قازاقستان جاڭا ۇلگىدەگى جولاۋشىلار ۇشاعىن ءبىرىنشى بولىپ ساتىپ الدى
دەپ حابارلايدى قازاقپارات ءتىلشىسى.
A320 NEO رەاكتيۆتى جولاۋشىلار ۇشاعى ساناتىنا جاتادى. وندا 16 بيزنەس- كلاسس جانە 132 ەكونوم- كلاسس ورىندارى بار. ۇشاقتا Pratt & Whitne قوزعالتقىشى ورناتىلعان. سونىڭ ارقاسىندا ۇشاق بۇعان دەيىنگى ۇلگىلەرگە قاراعاندا جانار- جاعار مايدى 15 پايىزعا از جاعادى. ءسويتىپ، ۇشۋدىڭ قاشىقتىعىن ۇزارتىپ وتىر. سىرتقى دىبىستار دا قاتتى ەستىلمەيدى. سەبەبى A320NEO ۇشاعىندا دىبىس وتكىزۋ كورسەتكىشى ICAO تالاپتارىنان 19 د ب- گە تومەن. سالونى دا كەڭ. ال جارىق ءتۇسىرۋ جۇيەسى ديودتى تەحنولوگياعا نەگىزدەلگەن.
ايتا كەتەيىك، وتكەن جىلى «ەير استانا» كومپانياسى Airbus A320 NEO ۇلگىدەگى 11 جولاۋشىلار ۇشاعىن ليزينگپەن ساتىپ الۋ تۋرالى كەلىسىمدى راسىمدەگەن بولاتىن. بۇگىن تانىستىرىلعان Airbus - سولاردىڭ ءبىرى. كەلەسى جىلدىڭ باسىندا تاعى ەكى ۇشاق جەتكىزىلەدى دەگەن جوسپار بار.
اۆتور: ارمان اسقاروۆ
