ۋاقىتتىڭ كەرى اۋىسۋىنا بايلانىستى ءبىرىنشى تۋعان ءسابي سىڭارىنان كىشى بولىپ جازىلدى
ناتيجەسىندە ءبىرىنشى بولىپ دۇنيە ەسىگىن اشقان نارەستە، قۇجات بويىنشا ءوزىنىڭ باۋىرىنان كىشى بولىپ جازىلدى.
بۇل تۋرالى nat-geo.ru حابارلايدى.
ەۆروپادا ساعات ءتىلى قازان ايىنىڭ سوڭعى جەكسەنبىسىندە كەرى قاراي جىلجيدى. ال ا ق ش شتاتتارىندا قىسقى ۋاقىتقا اۋىسۋ قاراشانىڭ العاشقى جەكسەنبىسىندە (2016-جىل قاراشاسىنىڭ 5 ىنەن 6 سىنا قاراعان) تۇنگى ساعات 2:00 دە جۇزەگە اسادى.
وسى ءتۇنى ماسساچۋسەتس شتاتى ۋەست بارنستەيبل قالاسى، Cape Cod پەرزەنتحاناسىندا 32 جاستاعى ەميلي پيتەرسون ەگىز نارەستەنى دۇنيەگە اكەلۋگە دايىندالىپ جاتقان. العاشقى ءسابيى سەميۋەل 6- قاراشا تۇنگى ساعات 01:39 دا ومىرگە كەلەدى.
جارتى ساعات وتكەن سوڭ ونىڭ اعاسى رونان ومىرگە كەلگەن. ءبىراق، ءدال وسى ساتتە ساعات كەرى جىلجىپ جاتقان بولاتىن. ناتيجەسىندە ءوزىنىڭ اعاسىنان كەيىن ومىرگە كەلگەن بالا، قۇجات بويىنشا جاسى ۇلكەن بولىپ جازىلدى: 01:10. ايەلدى بوساندىرعان 40 جىلدىق تاجىريبەسى بار اكۋشەر مۇنداي جاعدايمەن العاش رەت كەزىگىپ وتىرعانىن ايتىپ تاڭعالىپتى.
ءتىپتى تابيعاتتىڭ ءوزى پيتەرسونداردىڭ قايسى ۇلكەن ەكەنى تۋرالى سوڭىنا دەيىن شەشە الماعان: ەرەجە بويىنشا، ەكى ەگىز اراسىنداعى سالماق ايىرماشىلىعى 200-300 گرامدى قۇرايدى، الايدا سەميۋەل مەن رونان اراسىندا ول ءتىپتى دە بايقالمايدى. ءبىرىنشى بولىپ ومىرگە كەلگەن ءسابيدىڭ سالماعى 2636 گرام، ال ونىڭ اعاسى 2664 گرام بولىپتى.
اتا-اناسى كەيىن دە ەگىزدەر اراسىندا جاس ماسەلەسىنە بايلانىستى داۋ تۋىندامايدى دەپ ۇمىتتەنەدى. سونىمەن قاتار، ولاردىڭ قازىر 2 جاسار وبري اتتى قىزدارى بار.
