مۇحامەدي ۇلىنا پارا سۇراعانى جونىندە تاعىلعان ايىپ تەكسەرىلۋدە
بۇل تۋرالى ۆەدومستۆو باسشىسى قايرات قوجامجاروۆ مالىمدەدى.
«ەتيكالىق كودەكستىڭ بۇزىلۋى جونىندە نەمەسە قىلمىس جاسالعانى تۋرالى ايتىلعان كەز-كەلگەن ءسوزدى ارىز رەتىندە ءتۇسىنۋ كەرەك. جانە بۇل ارىزدىڭ تەكسەرىلگەنى ءجون. مەملەكەتتىك قىزمەتكەر - مەيلى ول ينسپەكتور، مەيلى ول مينيستر بولسا دا، ءوزىنىڭ جازىقسىز ەكەندىگىن دالەلدەۋى ءتيىس. ءبىر قىزدىڭ ايتۋىنشا، بەس جىل بۇرىن مۇحامەدي ۇلى وقۋعا قابىلداۋ ءۇشىن ودان پارا سۇراعان ەكەن. سوعان قاتىستى تەكسەرۋ جۇرگىزىپ جاتىرمىز»، - دەدى قوجامجاروۆ تىلشىلەرگە.
ەسكە سالساق، 9- قازاندا Youtube جەلىسىندە ءوزىن جۇرگەنوۆ اتىنداعى ونەر اكادەمياسىنىڭ بۇرىنعى ستۋدەنتى ەڭلىك سىدىقوۆامىن دەپ تانىستىرىپ، ارىستانبەك مۇحامەدي ۇلىن الىمساقتىق جاسادى دەپ ايىپتاعان قىزدىڭ بەينە ۇندەۋى پايدا بولدى. عالامتوردا تاراپ كەتكەن بەينە ۇندەۋدە سىدىقوۆا قاز ۇ ءو ا 2011-2015-جىلدارى «مۋزىكالدى تەاتر اكتريساسى» ماماندىعى بويىنشا وقىعاندىعىن ايتتى.
ول ج و و- عا تۇسۋگە شەشىم قابىلداعانىمەن، قابىلداۋ ەمتيحانىنا كەشىگىپ قالعان ەكەن. ونىڭ ايتۋىنشا، مۇحامەدي ۇلى ماسەلەنى 3000 دوللارمەن شەشۋدى ۇسىنعان كورىنەدى، سودان سوڭ قىزدىڭ قايدا تۇراتىنىن، كىممەن تۇراتىنىن سۇراي باستاپتى. ارىستانبەك مۇحامەدي ۇلى ەڭلىك سىدىقوۆانى سوتقا بەردى. ەگەر قىز كەشىرىم سۇراسا، مينيستر ارىزىن قايتارىپ الادى.
