قۇقىق قورعاۋ قىزمەتىنە ۇمىتكەرلەردى تەستىلەۋدىڭ مەرزىمى وزگەردى

 دەپ حابارلايدى قازاقپارات.

«قۇقىق قورعاۋ قىزمەتىنە ۇمىتكەر تۇلعالارعا زاڭداردى ءبىلۋ جانە جەكە قاسيەتتەرىن باعالاۋعا ارنالعان تەستىلۋدەن ءوتۋ مەرزىمى اۋىستىرىلادى. قولدانىستاعى زاڭعا سايكەس، مۇنداي تالاپ كەلەسى جىلدىڭ 1- قاڭتارىنان باستاپ ەنگىزىلەتىندىگى بەلگىلەنگەن. الايدا، مەملەكەت باسشىسى بۇل جۇيەنى بيىلعى جىلى ەنگىزۋ كەرەكتىگى جونىندە تاپسىرما بەرىپ وتىر»، - دەدى قوجامجاروۆ قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرۋ بارىسىندا.

ونىڭ سوزىنە قاراعاندا، سىبايلاس جەمقورلىققا قارسى قىزمەتكە ءۇشىنشى ساناتتاعى جوعارى بىلىكتىلىك سىنىبىن بەلگىلەۋ مۇمكىن بولاتىن جوعارعى باسشىلىق قۇرام لاۋازىمدارىن ەنگىزۋ ۇسىنىلۋدا. ۇسىنىس دەپۋتاتتار تاراپىنان ەنگىزىلدى.

 «بۇل قۇقىق قورعاۋ ورگاندارىندا قىزمەتتى ىڭعايلاندىرۋدى قامتاماسىز ەتەدى، سونىمەن قاتار كاسىبي دەڭگەيدى قالىپتاستىرۋعا جانە ولاردى ارى قاراي ىنتالاندىرۋعا ىقپال بولادى. زاڭ جوباسىنىڭ قابىلدانۋى بيۋدجەتتەن قوسىمشا قارجى تالاپ ەتپەيدى»، - دەدى اگەنتتىك باسشىسى.

ايتا كەتەيىك، بۇگىن ق ر پارلامەنتى ءماجىلىسىنىڭ جالپى وتىرىسىندا پالاتا دەپۋتاتتارى اتالعان زاڭ جوباسىن ماقۇلدادى، ەندى ول سەناتقا باعىتتالۋدا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى