قازاقستاندىقتار قانداي مەملەكەتتەردە قىلمىستىق جازاسىن وتەپ جاتىر
بۇل تۋرالى قازاقپارات ح ا ا رەسمي ساۋالىنا جاۋاپ بەرگەن ق ر سىرتقى ىستەر مينيسترلىگى حابارلادى. ق ر س ءى م مالىمەتتەرىنە سايكەس، قازاقستان ازاماتتارى رەسەي، گەرمانيا، ب ا ءا، وڭتۇستىك كورەيا، جاپونيا، قىتاي، يزرايل، تۇركيا، پولشا، فرانسيا، شۆەتسيا، يتاليا، گرەكيا ەلدەرىندە ءتۇرلى مەرزىممەن اباقتىعا جابىلعان. نەگىزىنەن قازاقستاندىقتار ۇرلىق، بۇزاقىلىق، قاراقشىلىق، كونتراباندا، جەزوكشەلىك، الاياقتىق، ەسىرتكى ساۋداسى، ادام ءولتىرۋ سەكىلدى پايدا تابۋ- كۇشتەۋ باعىتىنداعى جالپى قىلمىستىق ارەكەتتەر ءۇشىن سوتتالعان. ولار تۋرالى تولىق مالىمەت پەن شەتەلدەگى تۇتقىندار سانى جانە وتانىنا ەكستراداتسيالانعان ق ر ازاماتتارى تۋرالى اقپارات باس پروكۋراتۋرا مەن قۇقىقتىق ستاتيستيكا كوميتەتىنىڭ قۇزىرىنا كىرەدى.
«ءوز كەزەگىندە ق ر سءى م وتانداستارىمىزعا ەڭ جوعارعى جازا (ءولىم جازاسى) مەن باس بوستاندىعىنان ايىرۋ ۇكىمى بەرىلمەۋى ءۇشىن حالىقارالىق قۇقىق اياسىندا بارلىق شارالاردى جاسايدى»، - دەپ اتاپ ءوتتى ق ر س ءى م.
