مىسىردا بۇرىنعى پرەزيدەنت مۋرسيگە كەسىلگەن ءولىم جازاسى ۇكىمىنىڭ كۇشى جويىلدى
بۇل تۋرالى مىسىرلىق Al Ahram گازەتى حابارلادى.
بۇدان باسقا، كاسساتسيالىق سوت مىسىردىڭ بۇرىنعى پرەزيدەنتى حوسني مۇباراكتىڭ ەكى ۇلى الي مەن گامالدى تۇرمەگە قايتارۋدى تالاپ ەتەتىن باس پروكۋراتۋرانىڭ ۇسىنىسىن قابىلدامادى. بۇدان بۇرىن مۇباراكتىڭ ۇلدارى سىبايلاس جەمقورلىق باپتارىمەن سوتتالعان - ولار 2002-2011 -جىلداردا پرەزيدەنتتىك رەزيدەنسيانى جاڭعىرتۋعا ارنالعان بيۋدجەتتىك قاراجاتتى يەمدەنگەنى ءۇشىن ايىپتالعان، دەپ جازدى «روسسييسكايا گازەتا».
«اراب كوكتەمى» كەزىندە شەرۋدى تاراتقانى ءۇشىن ايىپتالعان حوسني مۇباراكقا قاتىستى ءىس بويىنشا كاسساتسيالىق سوت شەشىمى كەزەكتە تۇر. ەگدە تارتقان بۇرىنعى پرەزيدەنت بىرنەشە ايلار بويى كايردەگى اسكەري گوسپيتالدا جاتىر.
