پاۆلودار بوكستان قازاقستان بىرىنشىلىگىنە قىزۋ دايىندىق ۇستىندە
قالا ەل بىرىنشىلىگىن قارسى الۋعا قىزۋ دايىندىق جۇرگىزىپ جاتىر، دەپ حابارلايدى قازاقپارات مادەنيەت جانە سپورت مينيسترلىگىنىڭ باسپا ءسوز مالىمەتتەرىنە سىلتەمە جاساپ.
«بيىل قالامىزدا جاستار اراسىنداعى ازيا چەمپيوناتى ءوتتى. جانكۇيەرلەر تاراپى الداعى دوداعا دا قىزۋ قولداۋ كورسەتەتىندىگىنە سەنىمدىمىن. پاۆلودار - وزىندىك سپورتتىق داستۇرلەرى قالىپتاسقان قالا. بۇنىڭ دالەلى رەتىندە پاۆلودارلىق بوكستىڭ نەگىزىن قالاعان جاتتىقتىرۋشى رافاەل ۆاحيتوۆ، ك س ر و كۋبوگىنىڭ يەگەرى ەلەۋسىز دۇيسەكوۆ، ك س ر و چەمپيوناتىنىڭ جۇلدەگەرى يگور شتورم جانە كوپتەگەن باسقالاردى ەسكە تۇسىرسەك جەتكىلىكتى. قازاقستان چەمپيوناتىنىڭ سپورت سۇيەر قاۋىمى ءۇشىن ورنى ەرەكشە، - دەدى پاۆلودار ءوڭىرى بوكس فەدەراتسياسىنىڭ اتقارۋشى ديرەكتورى ازامات ماقاجانوۆ.
19- قاراشا كۇنى جارىسقا قاتىسۋشىلار قالادا باس قوسادى، ال، 20 سى كۇنى تۋرنيردىڭ رەسمي اشىلۋ سالتاناتى وتەدى. جارتىلاي فينال جانە فينالدىق جەكپە- جەكتەر 26- جانە 27- قاراشا كۇندەرى ۇيىمداستىرىلادى.
دودانىڭ ەڭ قۇرمەتتى قوناقتارىنىڭ ءبىرى - قازاقستاننىڭ بوكستان باس جاتتىقتىرۋشىسى مىرزاعالي ايتجانوۆ بولادى. «جارىسقا وليمپيادا ويىندارىنىڭ جۇلدەگەرلەرى قاتىسپاعانىمەن، چەمپيونات وتە تارتىستى وتەتىندىگىنە سەنىمدىمىن. ويتكەنى جاڭا وليمپياداعا دايىندىقتى باستايتىن ۋاقىت جەتتى. قۇراما مۇشەلەرىن الداعى ۋاقىتتا الەم جانە ازيا چەمپيوناتتارى سياقتى ماڭىزدى جارىستار كۇتىپ تۇر. ۇلتتىق قۇراما كومانداعا ەنۋ ءۇشىن بوكسشىلار بارىن سالاتىندىعىنا سەنىمدىمىن. قۇراما كوماندادان شىعىپ كەتكەن سپورتشىلاردىڭ ورنىن كىم باساتىندىعىن رينگتەگى كەزدەسۋلەر شەشەدى. بىزدە ريو وليمپياداسىندا ونەر كورسەتكەن سپورتشىلارمەن عانا ەمەس، رەزەرۆپەن دە ۇلكەن دايىندىق جۇرگىزىلدى. ءار سالماق دارەجەسىندە ءوزارا باسەكەلەستىك بار»، - دەگەن ويىمەن ءبولىستى ماقاجانوۆ.
تۋرنير ناتيجەلەرى بويىنشا ون سالماق دارەجەسىنىىڭ ۇزدىك بىلعارى قولعاپ شەبەرلەرى انىقتالادى. KAZsport تەلەارناسى قازاقستان چەمپيوناتىنىڭ جەكپە-جەكتەرىن تىكەلەي ەفيردە كورسەتەدى.
