تانىمال ءانشىنىڭ قىزى «بالا داۋىسىندا» جەڭىسكە جەتتى
ءانشىنىڭ ءانشى قىزى اكەسىن ۇياتقا قالدىرمادى. ايىم ۇزاقبايەۆا «بالا داۋىسىنىڭ» فينالىندا ءۇشىنشى ورىندى يەلەندى. بۇل تۋرالى ءانشىنىڭ ءوزى instagram جەلىسىندەگى پاراقشاسىندا جازدى.
«قۇرمەتتى ينستادوستار! بۇگىن كوپتەن كۇتكەن «بالا داۋىسى» بايقاۋىنىڭ فينالى بولدى. ەلىمىزدىڭ 14 وبلىسى مەن 2 قالاسىنان تالانتتى بۇلدىرشىندەر كەلىپ ونەر كورسەتتى. اقتوبە وبلىسىنىڭ اتىنان مەنىڭ قىزىم ايىم ۇزاقبايەۆا قاتىستى. بالالاردىڭ بارلىعى ونەرلى، تالانتتى. سونىمەن قاتار، سايىس بولعان سوڭ جەڭىلۋ دە بار، جەڭىس تە بار. مەنىڭ قىزىما كەلتە حات ارقىلى داۋىس بەرگەن جاندارعا العىسىم شەكسىز. اللانىڭ قالاۋىمەن، سىزدەردىڭ كومەكتەرىڭىزبەن قىزىم ايىم ۇزاقبايەۆا ءۇشىنشى ورىندى يەلەندى» - دەپ جازدى اسحات تارعىن. ءبىز دە ونەرلى ورەننىڭ ورگە ءجۇزۋىن تىلەدىك!
