ۋنيۆەرسيادا قارساڭىندا اسكەريلەر دە اعىلشىن ءتىلىن مەڭگەرىپ الدى
«ۇلتتىق ۇلاننىڭ «وڭتۇستىك» وڭىرلىك قولباسشىلىعىنا قاراستى 5571 اسكەري بولىمىندە الماتى قالاسىندا وتەتىن 28- قىسقى ۋنيۆەرسيادا كەزىندە قوعامدىق ءتارتىپ پەن قاۋىپسىزدىكتى قامتاماسىز ەتەتىن كەلىسىمشارت بويىنشا ەڭبەك ەتەتىن اسكەري قىزمەتشىلەر مەن مەرزىمدى قىزمەتتەگى ساربازدارعا ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ وقىتۋشىلارى مەن ماگيسترانتتارى اعىلشىن تىلىنەن كۋرستار وتكىزدى»، - دەپ جازادى «وڭتۇستىك» وڭىرلىك قولباسشىلىعىنىڭ باسپا ءسوز قىزمەتى.
ۆەدومستۆونىڭ اتاپ كورسەتكەنىندەي، وتكىزىلگەن كۋرستاردىڭ ماقساتى - اسكەري قىزمەتشىلەردى اعىلشىن ءتىلىنىڭ قاراپايىم قارىم- قاتىناس تىلىنە ۇيرەتۋ. ۇلتتىق ۇلاننىڭ اسكەري قىزمەتشىلەرى 2017 -جىلدىڭ قاڭتار- اقپان ايلارىندا الماتى قالاسىندا وتەتىن 28-قىسقى ۋنيۆەرسيادا ويىندارىنا الەم ەلدەرىنەن كەلەتىن تۋريستەرگە قالا ىشىندە اداسىپ كەتپەۋگە، بەلگىلى ءبىر باعىتتى نۇسقاپ جىبەرۋگە قولعابىس ەتەتىن بولادى.
ايتا كەتەيىك، اتالمىش سپورتتىق شارا كەزىندە ۇلتتىق ۇلاننىڭ مىڭنان اسا جاۋىنگەرى قوعامدىق ءتارتىپ پەن ەل تىنىشتىعىن كۇزەتەتىن بولادى.
اۆتور: جاسۇلان جولدىبايەۆ
