قازاقستاندا كوكتەمگى اڭشىلىققا تىيىم سالىنۋى ىقتيمال

«بۇل ءالى بەكىتىلگەن جوق. ءبىراق بىزدە ەكونوميكالىق ساراپتامادان ءساتتى وتكەن بيولوگيالىق نەگىزدەمە بار. قازىر بۇيرىق جوباسىنىڭ ءتيىستى وڭ ناتيجەلەرىن كۇتىپ وتىرمىز»، - دەدى ورمان شارۋاشىلىعى جانە جانۋارلار الەمى كوميتەتى ءتوراعاسىنىڭ ورىنباسارى مىندەتىن اتقارۋشى ناريمان ءجۇنىسوۆ.

ونىڭ بەرگەن اقپاراتى بويىنشا، رەسپۋبليكا زاڭناماسىنا سايكەس، كوكتەمدە اڭشىلىق جاساۋعا تىيىم سالىنعان. ءبىراق ۇيرەك پەن بالشىقشىنىڭ اتالىقتارىنا، ۆالدشنەپكە، قۇرعا اڭشىلىق ەتۋگە رۇقسات ەتىلگەن. اڭ مەن قۇستىڭ قالعان تۇرلەرىن اۋلاۋعا تىيىم سالىنعان. «كەيدە ۇيرەكتىڭ اتالىعىن ەمەس، انالىعىن اتىپ العان اڭشىلار ۇستالىپ جاتادى. ولاردىڭ جاۋابى ءبىر: «بىتىرا مىلتىق ۇيرەكتىڭ اتالىعى ما، انالىعى ما تاڭداپ جاتپايدى».

سوندىقتان كوكتەمدە بارلىق قۇستارعا تىيىم سالۋعا بۇل دا ءبىر سەبەپشى بولىپ وتىر»، - دەدى ول. «كوكتەمدە اڭشىلىققا شىعۋعا تىيىم سالىنباعاندىقتان، كەيبىر اڭشىلار اتىپ الۋعا بولمايتىن اڭ تۇرلەرىن قانجىعاسىنا سالىپ جاتادى. ونىڭ ىشىندە تۇياقتىلار دا بار. ولاردى ءبىز ۇستاپ جاتامىز»، - دەپ اتاپ ءوتتى ن. ءجۇنىسوۆ.

ونىڭ ناقتىلاۋىنشا، بۇرىن وسىنداي تىيىم سالۋ تۋرالى شەشىم تالقىلانعان، الايدا قازىر ول وزەكتەنە ءتۇستى. ونىڭ باستى سەبەبى - قازىر قۇس پوپۋلياتسياسىنىڭ كۇرت تومەندەۋى بولىپ وتىر. ونىڭ ۇستىنە شەتەلدەن كەلەتىن اڭشىلار دا ارتىپ كەتكەن. ەگەر 2015 -جىلى زاڭسىز اڭ اۋلاۋدىڭ 636 فاكتىسى تىركەلسە، 2016 -جىلى 758 وقيعاعا دەيىن وسكەن. «كوكتەمدە قۇستاردىڭ كوبەيەتىن تۇسى. وسى ارالىقتا اڭ اۋلاۋ قۇستاردىڭ ۇيا سالۋىنا كەدەرگى بولادى جانە تابيعي وسىمگە نۇقسان كەلتىرەدى. سونىمەن قاتار كوكتەمدە اڭشىلار ءىرى اتالىقتارعا كوز سۇزەدى، ول ءوز كەزەگىندە قۇستاردىڭ گەنوفوندىنا ۇلكەن زاردابىن تيگىزۋدە»، - دەپ اتاپ ءوتتى ول.

ەگەر اتالمىش تىيىم قولدانىسقا ەنسە، كوكتەمدە اڭشىلىق ەتكەن ازاماتتارعا ايىپپۇل سالىنادى. اتاپ ايتقاندا، اڭشىلارعا 5 ا ە ك كولەمىندە ايىپپۇل تاعايىندالادى. ەگەر ول قايتالانعان جاعدايدا 15 ا ە ك ايىپپۇل قاراستىرىلعان.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى