ۇزاق ءومىر ءسۇرۋدىڭ جولى قانداي؟
ادامنىڭ قانشا جاس جاسايتىنى ءوزىنىڭ ىشكى تۇيسىگىنە بايلانىستى كورىنەدى. ەگەر ادام ىشتەي ۇزاق جاساۋعا دەگەن تازا نيەتپەن، جاقسى ويمەن جۇرسە، ول سونشا جىل ەركىن ءومىر سۇرە الادى. ال، كىمدە كىم ءولىم تۋرالى، ەرتەڭگى كۇنگە سەنىمسىزدىك توڭىرەگىندە ءجيى ويلانىپ، قارتتىقتان قورقاتىن بولسا، ول ادامنىڭ ءومىرى قىسقا بولادى.
پسيحولوگتاردىڭ دەرەكتەرىنە قاراعاندا، ادامنىڭ ىشكى كوڭىل- كۇيى ءوزىنىڭ قانشا جىل ءومىر سۇرەتىندىگىنە ەرەكشە ىقپال ەتەدى. سوندىقتان الداعى كۇنگە سەنىممەن قاراپ، جاقسى كۇيدە ءجۇرۋدىڭ ماڭىزى زور. كەز كەلگەن كىسى ءوزىنىڭ دەرتى مەن تۇرمىسىنىڭ ناشارلىعىن ويلاپ كۇيزەلەر بولسا، ونداي ادامدار تەز قارتاياتىنى انىقتالعان.
بارىنەن دە قىزىعى سول، الەم ماماندارى قارتايۋدى بولدىرماۋدىڭ بارلىق جولدارىن قاراستىرىپ جاتىر. جاڭا ءدارى- دارمەكتەر دە ومىرگە كەلۋدە. ايتسە دە ناقتى ناتيجە جوق. ادامدار باياعىشا اللانىڭ بەرگەن جاسىن جاساپ، قارا جەردىڭ قوينىنا كەتىپ جاتىر.
دەگەنمەن، دارىگەرلەر كۇندەلىكتى سەرگەك ءجۇرىپ، ۋاقتىلى دەمالىپ، جاقسى ساياحاتتارعا شىعۋ، تازا اۋادا تىنىعۋ ءومىردى ۇزارتاتىندىعىن ايتادى.
