ۇلتتىق بانك ورىنباسارى نازاربايەۆ بەينەلەنگەن اقشا جايىندا بۇگىن عانا بىلگەن
سوندىقتان ول اتالعان بانكنوتتى بۇگىن عانا كورىپ وتىرعانىن جەتكىزدى، دەپ حابارلايدى قازاقپارات. «مەن ون مىڭ تەڭگەلىك كۋپيۋرانىڭ شىعارىلاتىنىن ەستىگەنمىن. ءبىراق ديزاينىن بۇگىن عانا كورىپ وتىرمىن. وندا پرەزيدەنتىمىزدىڭ سۋرەتى بەينەلەنەتىنىن بىلگەن دە جوقپىن. ءبارى قۇپيا بولدى عوي. جاڭا كۋپيۋرانى بۇگىن عانا سىزدەرمەن بىرگە كورىپ جاتىرمىن»، - دەدى ا. احمەتوۆ قازاقپارات تىلشىسىنە بەرگەن سۇحباتىندا.
ونىڭ ايتۋىنشا، جاڭا بانكنوتتاردى شىعارۋ جۇمىسىنا بانك ءتوراعاسىنىڭ وزگە ورىنباسارى - دينا عاليەۆا جاۋاپتى بولعان.
ايتا كەتەيىك، بۇگىن استانادا وتكەن «قازاقستان تاۋەلسىزدىگىنە 25 جىل: ۇلتتىق ۆاليۋتا» تاقىرىبىنداعى كونفەرەنسيادا ۇلتتىق بانك ءتوراعاسى دانيار اقىشەۆتىڭ مەملەكەت باسشىسى نۇرسۇلتان نازاربايەۆ بەينەلەنگەن جاڭا مەيتويلىق 10000 تەڭگەنى تانىستىردى. ونىڭ ايتۋىنشا، جاڭا كۋپيۋرا جەلتوقساننىڭ 1 ى - تۇڭعىش پرەزيدەنت كۇنىنە وراي شەكتەۋلى تارالىممەن باستىرىلادى. ول اقشانىڭ ناقتى تارالىمى جايىندا قولما-قول اقشا باسقارماسىنىڭ باستىعى توعجان ابىشيەۆا ايتىپ بەردى. سونداي- اق بۇگىنگى شارا اياسىندا 5000 تەڭگەنىڭ مەرەيتويلىق مونەتاسى تانىستىرىلدى.
