تەڭگەدە ءال-فارابيدەن باستاپ نازاربايەۆقا دەيىنگى تاريح جاتىر

«ءبىر تەڭگەلىك بانكنوتقا ءال-فارابي بەينەلەنگەن ەدى. مىنە، سول وقيعاعا دا 20 جىلدان استى. بۇگىن بىزگە دانيار مىرزا (ۇلتتىق بانك ءتوراعاسى - اۆت.) ون مىڭ تەڭگەلىك بانكنوتقا ەلباسى بەينەلەنگەنىن ايتىپ وتىر. دەمەك، تەڭگەدە ءال- فارابيدەن نۇرسۇلتان نازاربايەۆقا دەيىنگى بۇگىنگى تاريح جاتىر. بارشا قازاقستاندىقتاردى قۇتتىقتايمىن! ءتول تەڭگەمىزدىڭ تورگە وزعان كۇنى قۇتتى بولسىن، اعايىن! ەڭبەگىمىزدى تەڭگەمەن الىپ، ەس جينادىق، تۇرمىسىمىزدى جوندەدىك، جوندەپ كەلە جاتىرمىز. ۇيقىمىز تىنىش، جانىمىز قينالمايدى، قورقىنىش- ۇرەي سەزىمدەرى تۋىندامايدى. ءوز اقشامىز بار. ونى شىعاراتىن فابريكامىز دا بار. اقشا ءبىتىپ قالسا، شىعارا بەرەمىز. تەڭگەمىز تۇراقتى بولسا، تۇرمىسىمىز تۇراقتى. بۇنى دانيار مىرزانىڭ ۇجىمىنا ايتىپ وتىرمىن. تەڭگەمىز تەڭسەلە بەرمەي، تۇعىرلى بولسىن!»، - دەيدى ع. ەسىم.

ايتا كەتەيىك، شارا اياسىندا عالىمدار مەن قوعام قايراتكەرلەرى جاڭا بانكنوتقا قاتىستى ءوز ويلارىن ءبىلدىردى. ق ر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆتىڭ ويىنشا، جاڭا بانكنوت تەڭگەنىڭ قۇندىلىعىن ارتتىرا تۇسەدى. ال قازاقستان حالقى اسسامبلەياسى ءتوراعاسىنىڭ ورىنباسارى ەرالى توعجانوۆتىڭ مەملەكەت باسشىسى نۇرسۇلتان نازاربايەۆ بەينەلەنگەن كۋپيۋرا دوللار سياقتى الەمدىك ۆاليۋتالارمەن قاتار تۇرا الادى دەپ سانايدى. ق ر پارلامەنتى سەناتى ءتوراعاسىنىڭ ورىنباسارى بەكتاس بەكنازاروۆ تا تاۋەلسىزدىكتىڭ العاشقى جىلدارى ۇلتتىق ۆاليۋتامىزدى ەنگىزۋ جۇمىسىنىڭ باسى- قاسىندا بولعان نۇرسۇلتان نازاربايەۆ جاڭا مەرەيتويلىق بانكنوتتا بەينەلەنۋگە ابدەن لايىق دەيدى.

ۇلتتىق بانك ءتوراعاسى دانيار اقىشەۆتىڭ سوزىنە قاراعاندا، جاڭا كۋپيۋرا تۇڭعىش پرەزيدەنت كۇنى - جەلتوقساننىڭ 1 نە قاراي شەكتەۋلى تارالىممەن باستىرىلادى. ول اقشانىڭ ناقتى تارالىمى جايىندا قولما-قول اقشا باسقارماسىنىڭ باستىعى توعجان ابىشەۆا ايتىپ بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى