وڭتۇستىك كورەيا ورتالىق ازيا ەلدەرىمەن قۇرلىق ارقىلى ساۋدا جاساۋعا ءۇمىت ارتادى

«بۇگىندە كورەيا مەن ورتالىق ازيا ەلدەرى اراسىندا ءىس جۇزىندە ەش بايلانىس جوق. ويتكەنى، ارادا سولتۇستىك كورەيا بار. دەگەنمەن، ءبىز سولتۇستىك كورەيلىك ماسەلە شەشىلەدى دەپ سانايمىز جانە بۇل كەدەرگىلەر جويىلىپ، ورتالىق ازيانىڭ كورەي رەسپۋبليكاسىمەن بايلانىسى ورنايتىن بولادى»، - دەدى ول «كورەيا رەسپۋبليكاسى - ورتالىق ازيا» 10- ىنتىماقتاستىق فورۋمى بارىسىندا.

ۆيتسە-ءمينيستردىڭ اتاپ وتۋىنشە، ورتالىق ازيا ەۋرازيانىڭ جۇرەگى سانالادى جانە بۇگىنگى كۇنى الەمدىك قوعامداستىققا قاراي نىق قادام باسىپ، جاڭا ەنەرگيانىڭ گەنەراتورىنا اينالۋدا. «كەلەر جىل - ايرىقشا جىل. ويتكەنى، ءبىز كورەيا مەن ورتالىق ازيا ەلدەرى اراسىنداعى ديپلوماتيالىق قارىم-قاتىناستىڭ 25 جىلدىعىن اتاپ وتەمىز. ءوزارا قارىم-قاتىناس تاماشا دامۋعا قول جەتكىزدى. ءبىزدىڭ ەلدەرىمىز اراسىنداعى تاۋار اينالىمى 160 ەسە ءوستى، ورتالىق ازيا ەلدەرىنەن كەلەتىن ساياحاتشىلار لەگى مىڭ ەسە ارتتى. كورەيا رەسپۋبليكاسى ورتالىق ازياداعى ەڭ ءىرى ينۆەستيتسيالىق سەرىكتەستەردىڭ ءبىرى سانالادى»، - دەدى ول.

سونگنام ليمنىڭ پايىمىنشا، 10 جىل بويى «كورەيا رەسپۋبليكاسى ورتالىق ازيا» ىنتىماقتاستىق فورۋمى ءبىزدىڭ ەلدەرىمىز اراسىنداعى ىنتىماقتاستىقتىڭ نىعايۋىنا، گۋمانيتارلىق الىس-بەرىستىڭ كەڭەيۋىنە جانە جالپى ىنتىماقتاستىقتى ىنتالاندىرۋعا ءوز سەپتىگىن تيگىزىپ كەلدى. فورۋم ءبىزدىڭ ءوزارا قارىم-قاتىناسىمىزدىڭ لوكوموتيۆى ءرولىن تابىستى اتقارا الدى. ال وسى جولى ۆيتسە-مينيستر ىنتىماقتاستىقتىڭ نەگىزگى ءۇش باعىتىن ۇسىندى.

«بىرىنشىدەن، ورتالىق ازيا ونەركاسىپتى جاڭعىرتىپ، ءارتاراپتاندىرۋعا ۇمتىلۋدا. ءدال وسىنى ەسكەرەر بولساق، مەنىڭشە، ءبىز جاڭا جىبەك جولىن اشۋ ءۇشىن بارىنشا لايىقتى سەرىكتەس سانالامىز. فورۋم حاتشىلىعى اقپارات كەڭىستىگىن قۇرۋ، سۋ رەسۋرستارىن زياتكەرلىك باسقارۋ جوبالارىن جۇزەگە اسىرۋ جۇمىستارىن باستايدى. بۇل ءبىزدىڭ ىنتىماقتاستىعىمىزدىڭ جەتەكشى پەرسپەكتيۆالى جوبالارى سانالادى»، - دەدى ول.

ەكىنشىدەن، ول سوڭعى جىلدارى ءبىزدىڭ ەلدەرىمىزدىڭ جاستارى اراسىنداعى مادەني-گۋمانيتارلىق الىس-بەرىستىڭ جاندانا تۇسكەندىگىن اتاپ ءوتتى. «ورتالىق ازيادا كورەي تەلەسەريالدارى مۋزىكاسى زور تانىمالدىققا يە. جالپى، كورەيانىڭ وزىنە قىزىعۋشىلىق ارتىپ كەلەدى. وتكەن اپتادا كورەيادا ورتالىق ازيا حالىقتارىنىڭ مادەني فەستيۆالى زور تابىسپەن ءوتتى. وسى تۇرعىدا كەلەسى جىلى حاتشىلىق ۇكىمەت، بيزنەس، عىلىم، ب ا ق، مادەنيەت دەڭگەيىندەگى ءتۇرلى ءىس-شارالاردى ۇيىمداستىرۋدى جوسپارلاپ وتىر»، - دەدى ۆيتسە- مينيستر.

ۇشىنشىدەن، ق ر س ءى م وكىلى كورەيا مەن ورتالىق ازيا اراسىندا گەوگرافيالىق الشاقتىق بولعانىمەن، ونى كيبەركەڭىستىك سالاسىنداعى ىنتىماقتاستىقتى دامىتۋ ارقىلى ەڭسەرۋگە بولاتىندىعىنا سەنىم ارتتى. «شىعىس پەن باتىس وركەنيەتى جىبەك جولىنىڭ بولۋىنىڭ ارقاسىندا دامي الار ەدى. ءبىز جاڭا اقپاراتتىق تەحنولوگيالاردىڭ ارقاسىندا دامىتۋعا بولاتىن جاڭا جولداردى اشا الامىز دەپ ۇمىتتەنەمىز. سونىمەن بىرگە ءبىزدى جاڭا جىبەك جولىمەن قوساتىن جەلى دە قۇرۋعا بولادى. مۇنان بولەك، بۇگىنگى كۇنى ءبىز ارنايى ونلاين-تۇعىرناما جاساۋدامىز. ونىڭ ارقاسىندا كورەيا مەن ورتالىق ازيا بايلانىسا الادى جانە بۇل كونتەنتتىڭ دامۋىن ىنتالاندىرۋعا سەپتىگىن تيگىزەدى»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى