ترامپ رەسەيمەن ۇزاق جىلدار بويى جاقسى قارىم-قاتىناستا بولۋدان ءۇمىتتى
جاڭا سايلانعان پرەزيدەنت كومانداسىنىڭ ارنايى سايتىندا ترامپتىڭ بۇل مالىمدەمەسى رەسەي پرەزيدەنتى ۆلاديمير پۋتينمەن تەلەفون ارقىلى بولعان اڭگىمەسى بارىسىندا ايتىلعاندىعىن جاريا ەتىلگەن.
«ا ق ش پرەزيدەنتى رەسەي باسشىسى پۋتينگە رەسەيمەن جانە رەسەي حالقىمەن ۇزاق جىلدار بويى جاقسى قارىم-قاتىناستا بولۋدان ءۇمىت ەكەندىگىن ايتتى»، - دەلىنگەن ا ق ش- تىڭ جاڭا باسشىسىنىڭ كومانداسىنىڭ حابارلاماسىندا. وندا سونىمەن قاتار پۋتين مەن ترامپتىڭ ا ق ش پەن رەسەي بەتپە-بەت كەلىپ وتىرعان قاۋىپ-قاتەرلەر، ستراتەگيالىق جانە ەكونوميكالىق ماسەلەلەر، 200 جىلدان اساتىن ا ق ش پەن رەسەيدىڭ اراسىنداعى قارىم-قاتىناس تاريحى ءسوز بولعاندىعى ايتىلعان.
14- قاراشا كۇنى ر ف پرەزيدەنتى ۆلاديمير پۋتين مەن ا ق ش پرەزيدەنتى دونالد ترامپ تەلەفونمەن بولعان اڭگىمە بارىسىندا ەكى ەل اراسىنداعى قارىم-قاتىناس ماسەلەسىن ءسوز ەتتى. تاراپتار ەكى ەلدىڭ اراسىنداعى قاتىناستىڭ مۇلدەم وتە ناشار ەكەندىگىنە كوڭىلدەرى تولمايتىندىقتارىن ءبىلدىردى.
تاراپتار سونىمەن قاتار، حالىقارالىق تەرروريزم جانە ەكسترەميزممەن كۇرەستە كۇش بىرىكىرۋ قاجەتتىگىن ءسوز ەتكەن، دەپ حابارلادى بۇگىن lenta.ru.
