بايقوڭىر عارىش ايلاعىنان ۇلكەن ايدىڭ ەرەكشە كورىنىسى اياسىنداعى زىمىران ءتۇسىرىلدى - فوتو

مۇندا كۇن جۇيەسى مەن ونىڭ وبەكتىلەرى جايلى ايتىلادى، دەپ حابارلايدى «قازاقپارات» ح ا ا ءتىلشىسى روسكوسموستىڭ باسپا ءسوز قىزمەتىنە سىلتەمە جاساپ.

«بايقوڭىر عارىش ايلاعىندا الداعى 17- قاراشادا ۇشىرۋعا دايىندىق ءجۇرىپ جاتقان «سويۋز- ف گ» زىمىران-تاسىعىشى مەن كولىكتىك ۇشىرىلاتىن «سويۋز م س-03» كورابلىنىڭ اياسىندا ايدىڭ ەرەكشە ۇلكەن بولۋى بۇگىن تاپ وسىلاي كورىنەدى»، دەپ جازىلعان وسى رۋبريكا ءۇشىن عارىشتىق «يۋجنىي» ورتالىعى فوتوگرافتارىنىڭ بايقوڭىرداعى ۇشۋ الاڭىنان تۇسىرىلگەن سۋرەتتەرىندە.

بۇدان بۇرىن حابارلانعانداي، 14- قاراشادا اسپانعا وسى جىلعى ەڭ ۇلكەن اي ەندى، ياعني ءبىزدىڭ پلانەتاعا رەكوردتىق قاشىقتىققا جاقىندادى. عالىمدار بۇل كورىنىستى ەرەكشە قۇبىلىس، ەرەكشە وقيعا دەپ باعالاۋدا. ايدىڭ جەرگە ەڭ جاقىن قاشىقتىققا جەتۋى، ايدىڭ 14 پايىز ۇلكەن ءارى 30 پايىز جارىق بولىپ كورىنۋى - استرونوميالىق قۇبىلىس. ايتا كەتەر بولساق، اي بۇل كەزدە جەرگە ادەتتەگىدەن 50 مىڭ شاقىرىمعا جاقىنداپ، ۇلكەن وتتى شارعا ۇقسايدى.

عالىمداردىڭ پايىمداۋىنشا، بۇل جولعى ۇلكەن اي 1948-جىلدان بەرگى ەڭ زور، 2034-جىلعا دەيىنگى ەڭ جارىق بەينەگە يە بولۋى ىقتيمال.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى