ۇزىناعاشتاعى قاندى قىلمىسقا قاتىستى كۇدىكتىلەر بىرنەشە باپ بويىنشا ايىپتالۋدا
قازىر اتالعان قىلمىس بويىنشا ەكى كۇدىكتى قاماۋعا الىندى: ولار - 1971-جىلعى تالعات سۇلەيمەنوۆ پەن 1975-جىلعى مۇرات وڭالبايەۆ. ال ىسكە قاتىسى بار دەلىنگەن باقىت بايقاسىموۆ ەسىمدى ازامات ءۇشىنشى كۇدىكتى رەتىندە تانىلعان. تالعات سۇلەيمەنوۆ ق ر ق ك- ءتىڭ 99-بابى 2-بولىگى 1,7,8-تارماقتارى (پايداكۇنەمدىك نيەتپەن الدىن الا ءسوز بايلاسۋ ارقىلى ادامدار توبى جاساعان ەكى نەمەسە ودان كوپ ادامدى ءولتىرۋ)، 192-بابى 4-بولىگى 2-تارماعى (قارۋدى قولدانۋ ارقىلى ادامدار توبىمەن اسا ىرى مولشەردە جاسالعان قاراقشىلىق)، 287-بابى 3-بولىگى (اتىس قارۋىن، وق-دارىلەردى زاڭسىز يەمدەنۋ، ساقتاۋ، تاسىمالداۋ نەمەسە الىپ ءجۇرۋ)، 200-بابى 3-بولىگى (ءىرى زالال كەلتىرىپ، قىلمىستىق توپپەن اۆتوموبيلدى جىمقىرۋ ماقساتىنسىز قۇقىققا سىيىمسىز يەلەنىپ الۋ)، 202-بابى 2-بولىگى 1,5-تارماقتارى (ايتارلىقتاي زالال كەلتىرىپ، ءورت قويۋ، جارىلىس جاساۋ ارقىلى نەمەسە وزگە دە جالپى قاۋىپتى تاسىلمەن جاسالعان بوتەننىڭ مۇلكىن قاساقانا جويۋ نەمەسە ءبۇلدىرۋ) بويىنشا ايىپتالىنادى.
مۇرات وڭالبايەۆ ق ر ق ك- ءتىڭ 99-بابى 2-بولىگى 1,7,8-تارماقتارى (پايداكۇنەمدىك نيەتپەن الدىن الا ءسوز بايلاسۋ ارقىلى ادامدار توبى جاساعان ەكى نەمەسە ودان كوپ ادامدى ءولتىرۋ)، 192-بابى 4-بولىگى 2-تارماعى (قارۋدى قولدانۋ ارقىلى ادامدار توبىمەن اسا ىرى مولشەردە جاسالعان قاراقشىلىق)، 200-بابى 3-بولىگى (ىرى زالال كەلتىرىپ، قىلمىستىق توپپەن اۆتوموبيلدى جىمقىرۋ ماقساتىنسىز قۇقىققا سىيىمسىز يەلەنىپ الۋ)، 202-بابى 2-بولىگى 1,5-تارماقتارى (ايتارلىقتاي زالال كەلتىرىپ، ءورت قويۋ، جارىلىس جاساۋ ارقىلى نەمەسە وزگە دە جالپى قاۋىپتى تاسىلمەن جاسالعان بوتەننىڭ مۇلكىن قاساقانا جويۋ نەمەسە ءبۇلدىرۋ) بويىنشا ايىپتالىنادى.
باقىت بايقاسىموۆ ق ر ق ك- ءتىڭ 434-بابى (قىلمىس تۋرالى حابارلاماۋ) بويىنشا ايىپتالىنادى. ەندىگى سوت وتىرىسى 17- قاراشا كۇنى وتەدى. ەستەرىڭىزگە سالا كەتەيىك، قىركۇيەك ايىندا ءۇش اعايىندى جىگىت ۇزىناعاشقا مال ساتۋعا كەتىپ، ارتىنشا ولاردىڭ ءولى دەنەلەرى تابىلدى. مۇقيات زارىلحان، جارقىنبەك دولدان جانە قادىلبەك ءالىمحاننىڭ ارتىندا 8 بالا جەتىم، ايەلدەرى جەسىر قالدى. ال مارقۇمنىڭ تۋىستارى قىلمىسكەرلەردىڭ سىبايلاستارى ءالى دە بوستاندىقتا ءجۇر دەپ كۇدىكتەنەدى.
اۆتور: سامال قابىشيەۆا
