ا ق ش- تاعى سايلاۋدان قازاقستان ۇتىسقا شىقتى - ەدۆارد ليۋتتۆاك

بۇل پىكىردى بۇگىن قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن وتكەن «استانا» كلۋبىنىڭ ەكىنشى وتىرىسىندا ۆاشينگتونداعى ستراتەگيالىق جانە حالىقارالىق زەرتتەۋلەر ورتالىعىنىڭ اعا كەڭەسشىسى ەدۆارد ليۋتتۆاك ءبىلدىردى، دەپ حابارلايدى قازاقپارات.

«امەريكالىق سايلاۋدان قازاقستان ۇتىسقا شىقتى. ويتكەنى، ترامپ مىرزا ينفراقۇرىلىمدى دامىتۋ باعدارلاماسىن ىسكە قوسۋعا جانە وعان ءبىر تريلليون جۇمساۋعا نيەت تانىتىپ وتىر. وسى ورايدا مەن قازاقستان ءۇشىن يادرولىق قارۋسىزدانۋدا جاڭا مۇمكىنشىلىكتەر اشىلاتىندىعىن ايتقىم كەلەدى. ويتكەنى، ءبىز كوپتەگەن ەلدىڭ يادرولىق قارۋدان باس تارتقانىمەن، شىندىعىندا، قازاقستان عانا زەرتتەۋلەردەن دە، تەستىلەۋ ورتالىقتارىنان دا، تەستىلەۋ پوليگوندارىنان دا تۇبەگەيلى ارىلعاندىعىن ايتا الامىز. ءسىز سەمەي تۋرالى ايتتىڭىز. بۇل رەتتە ءبىر ءوڭىر نەمەسە ءبىر قالا عانا ەمەس، ءىس جۇزىندە بۇكىل ەل يادرولىق قارۋدان تولىقتاي ازات بولدى. بۇل بارىنشا تابىستى جوبا ەدى. ا ق ش، رەسەي جانە قازاقستان ونىمەن كوپتەگەن جىلدار بىرگە جۇمىس ىستەدى. سوندىقتان وسىناۋ ادامگەرشىلىك بەدەلگە يە بولا وتىرىپ، ءسىز جاڭا كوشباسشى رەتىندە ءسوز سويلەپ، ءدال وسى - يادرولىق قارۋسىزدانۋ سالاسىندا جاڭا باستامانى ىسكە قوسا الار ەدىڭىز»، - دەدى ول قازاقستان پرەزيدەنتىنە قاراتا.

سونىمەن قاتار ول قازىرگى ۋاقىتتا سولتۇستىك كورەيا ءوزىنىڭ يادرولىق باعدارلاماسىمەن قارقىندى جۇمىس ىستەپ جاتقاندىعىن، الايدا الەمدە ەشكىم دە وعان قارسى شارا قولدانباي وتىرعاندىعىن باسا ايتتى.

«ارينە، بارلىعى دا قاداعالاپ، نە ورىن الىپ جاتقانىن تىركەپ وتىر. ءبىراق، ەش ارەكەت جوق. رەسەي، قىتاي سىندى ءىرى ويىنشىلار سولتۇستىك كورەيانىڭ جاقىن دوسى بولا وتىرىپ، ەشتەڭە ىستەمەي جاتىر. الەم وسىناۋ جاڭا الاڭداتارلىق سىن-قاتەرمەن بەتپە- بەت كەلۋدە. ءبىراق، بۇل جەردە مۇمكىنشىلىكتەر دە بار»، - دەدى ول.

ەدۆارد ليۋتتۆاكتىڭ ايتۋىنشا، الەمگە يادرولىق قارۋسىزدانۋ سالاسىنداعى الەۋەتتى جەتىلدىرۋگە مۇمكىندىك بەرەتىن يادرولىق قارۋسىزدانۋ ماسەلەسى بويىنشا جاڭا ۇيىمداستىرۋ ورتالىعى قاجەت. اتالعان ورتالىق شەشىمدەر ازىرلەۋ ءۇشىن ينتەللەكتۋالدى رەسۋرستاردى جيناقتاۋعا جانە ونى ومىرگە ەنگىزۋگە قىزمەت ەتە الار ەدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى