نازاربايەۆ عالامشارداعى بارلىق قاقتىعىستارعا ىمىرا تابىلارىنا سەنىمدى

بۇل تۋرالى بۇگىن «استانا» كلۋبىنىڭ ەكىنشى وتىرىسىندا قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.

«مەن سيريادا جانە عالامشاردىڭ وزگە دە «ىستىق نۇكتەلەرى» بويىنشا ىمىرا تابىلاتىندىعىنا سەنىمدىمىن. بۇل الەمدەگى كونسترۋكتيۆتى وزگەرىستەرگە دەگەن سەنىمگە يلاندىرا تۇسەدى. بارلىق وتكىر حالىقارالىق پروبلەمالار بويىنشا بىتىمگەرشىلىك سۇحباتتىڭ تابىستى بولاتىندىعىنا سەنۋ قاجەت»، - دەدى قازاقستان پرەزيدەنتى.

مەملەكەت باسشىسى مەملەكەتارالىق قاراما-قايشىلىقتاردىڭ بولعاندىعىن جانە ءار ۋاقىتتا دا بولا بەرەتىندىگىن، ءبىراق، عىلىم دالەلدەگەندەي، جۇلدىزداردىڭ سوقتىعىسىنان جاڭا الەم دۇنيەگە كەلەتىندىگىن باسا ايتتى.

«قازىرگى داۋ-دامايدان ادامزات جاڭا، بارىنشا ءادىل ءارى تۇراقتى الەمدىك ءتارتىپ قاۋىپسىزدىگىنە يە بولاتىندىعىنا سەنىمدىمىن. ءوتىپ جاتقان جانە جاھاندىق وقيعالاردىڭ ءمانى تاريحي مەجەنىڭ اۋىسۋىنا بايلانىستى. الەم دامۋىنىڭ ءبىر كەزەڭى اياقتالىپ، كەلەسىسى باستالادى. ءبىراق، بارشا عالامشاردىڭ بولاشاعى ءۇشىن بارىنشا قيىن، تۇبەگەيلى بولماي قالمايتىن، مەيلىنشە جاۋاپتى ءارى تاعدىرشەشتى بولماق»، - دەدى نازاربايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى