نازاربايەۆ الەمدىك ساياسات تۋرالى: كىنالىلەردى ىزدەيتىن ۋاقىت تۇگەسىلدى
بۇل تۋرالى بۇگىن «استانا» كلۋبىنىڭ ەكىنشى وتىرىسىندا قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«كىم كىنالى؟» ساۋالىنىڭ ۋاقىتى ەندىگى تۇگەسىلگەن. ىمىرا مەن ناقتى شەشىمدەر تابۋ كەزەگى كەلىپ تۇر. ءتىپتى، لاڭكەستىككە قارسى كۇرەس پەن سيريا پروبلەماسى ماسەلەسىندە دە. ەگەر دە بارلىق ەلدەردىڭ كۇشىن بۇل زۇلىمدىقتى جەڭۋ ءۇشىن ءبىر باعىتتا بىرىكتىرمەسە (بۇل پروبلەمانى - رەد.) شەشۋ مۇمكىندىگى جوق. نەگىزگى مەملەكەتتەر اراسىنداعى سەنىم جوعالعان جاعدايدا وعان قول جەتكىزۋ مۇمكىن ەمەس. مۇنداي قاراما-قايشىلىقتاردا لاڭكەستەر وتە جاقسى ءومىر سۇرەدى»، - دەدى مەملەكەت باسشىسى.
وسى رەتتە قازاقستان پرەزيدەنتى يراننىڭ يادرولىق باعدارلاماسى توڭىرەگىندەگى تۇيتكىلدى ماسەلەلەردى شەشۋگە وسىناۋ كۇردەلى كەزەڭدە قول جەتكىزىلگەنىن اتاپ ءوتتى. «رەسەي مەن تۇركيا اراسىندا تۇسىنىسپەۋشىلىك تە ءدال وسى ۋاقىتتا ءوز شەشىمىن تاپتى. ياعني، ءبىز مۇنداي ماسەلەلەردى شەشە الامىز»، - دەدى نۇرسۇلتان نازاربايەۆ.
اۆتور: مارلان جيەمباي
