الماتىلىق عالىمدار وبىرعا قارسى ءدارى تاپتى

پرەپاراتتار شەتەلدىك انالوگتارعا قاراعاندا، ساپالى ءارى ارزان. الايدا قالالىق ءدارىحانالارعا شىعارۋ مۇمكىن بولماي وتىر، دەپ حابارلادى «الماتى» تەلەارناسى. ماماندار قازاقستاندىق دارىمەن وبىردىڭ ءتىپتى سوڭعى ساتىسىنداعى ءتۇرىن ەمدەۋگە بولاتىنىن ايتادى.

پرەپارات بارلىق كلينيكالىق سىناقتان ءوتتى. ءدارىحانا سورەلەرىنە سونداي-اق وتاندىق ءونىم - تەرى اۋرۋلارىنا قارسى «رامون» جاقپامايى دا شىققان جوق. اۆتورلاردىڭ ايتۋىنشا، بۇل دەنساۋلىق ساقتاۋ مينيسترلىگىن قىزىقتىرماي وتىر.

«ولار جاقسى، ارزان قازاقستاندىق دارىگە قاراعاندا، ءبىر باتىس پرەپاراتىن قوماقتى اقشاعا تىركەيدى. ال قازاقستاندىق وندىرۋشىلەردە مۇنداي اقشا جوق»، - دەدى ءال-فارابي اتىنداعى قاز ۇ ۋ پروفەسسورى، حيميالىق عىلىمدار دوكتورى. الماتىدا ونكولوگيا ينستيتۋتىندا ونكولوگيالىق ناۋقاستاردى ەمدەيتىن 82 پرەپاراتتىڭ كوبى شەتەلدە شىعارىلاتىنىن مويىندادى. اراسىندا بارلىق الەمنىڭ جالپى كەستەسى بويىنشا دايىندالعان قازاقستاندىق دارىلەر دە بار. مىسالى، اسپيرين. وبىرعا قارسى قازاقستاندىق ءدارىنى شىعارۋمەن قاراعاندىلىق ونكولوگتار جۇمىس ىستەۋدە. الماتىلىقتار دا قول قۋىسىرىپ وتىرعان جوق، ولاردا 21 -عاسىر ىندەتىن ءشوپ ارقىلى ەمدەۋگە تىرىسۋدا.

«ەمدەۋ ستاندارتتارى بار. كۇللى الەم عىلىمى الدىندا وبىرعا قارسى ءدارى تابۋ ماسەلەسى تۇر. وكىنىشكە وراي، نوبەل سىيلىعىن ءالى ەشكىم العان جوق. الەم كۇرەس جۇرگىزىپ جاتىر. ءدارى جاساۋ ءۇشىن ءشوپ جيناعان عالىمدار بىزدە دە بار، ءقازىر ولار سىنامادان وتكىزىپ كورۋدى ۇسىنىپ وتىر»، - دەدى قازعزي ونكولوگيا جانە راديلولوگيا ديرەكتورى ديالار قايداروۆا.

ءار جىل سايىن ونكولوگيالىق اۋرۋلار ارتۋ ۇستىندە. 5 جىل بۇرىن دياگنوز 28 مىڭ ادامعا قويىلسا، قازىر 36 مىڭ. بۇل رەتتە ءولىم-ءجىتىم 15 پايىزعا ازايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى