ۇزىناعاشتاعى ءۇش اعايىندىنى ولتىرگەندەرگە قاتىستى سوت باستالدى - فوتو
اتالعان ءىستى تالقىلاۋ بۇگىن الماتى وبلىسى قاراساي اۋداندىق سوتىندا ءجۇرىپ جاتىر، دەپ حابارلايدى قازاقپارات ءتىلشىسى. مۇقيات مارقۇمنىڭ تۋعان اعاسى ادال زارىلحان قازاقپارات تىلشىسىنە بەرگەن سۇحباتىندا ءالى دە ءىس تولىعىمەن اشىلمادى دەپ، ىشتەي وكىنىشىن ءبىلدىردى.
«ازىرگە ەكى ادام ۇستالدى. تالعات سۇلەيمەنوۆ پەن مۇرات وڭالبايەۆ - ناقتى ولتىرۋشىلەر. ال مەنىڭ بىلۋىمشە، ءۇشىنشى كۇدىكتى باقىت ەسىمدى جىگىتتى كۋاگەر رەتىندە تەرگەپ، جىبەرە سالعان كورىنەدى. سول باقىت قىلمىسقا كۋاگەر بولا تۇرا، ەشكىمگە ول جايىندا ايتپاعان. جانە وسى جىگىت بۇرىن ءىستى بولعان دەپ ەستىدىم. ءبىراق، ءبىزدىڭ تەرگەۋ بارىسىنا كوڭىلىمىز تولمايدى. سىبايلاستارى تولىق اشىلمادى دەپ سانايمىز»، - دەيدى ادال زارىلحان.
ەستەرىڭىزگە سالا كەتەيىك، ءۇش اعايىندى جىگىت ۇزىناعاشقا مال ساتۋعا كەتىپ، ارتىنشا ولاردىڭ ءولى دەنەلەرى تابىلعان ەدى. مۇقيات زارىلحان، جارقىنبەك دولدان جانە قادىلبەك ءالىمحاننىڭ ارتىندا 8 بالا جەتىم، ايەلدەرى جەسىر قالدى. ءدۇيىم جۇرتتى شۋلاتقان قاندى قىلمىستى ىشكى ىستەر ءمينيسترى ءوزى باقىلاۋدا ۇستاپ وتىر.
اۆتور: سامال قابىشەۆا
