الماتىدا مۇگەدەكتەر ارنالعان جول الدىنا ورناتىلعان بيلبورد جۇرت نارازىلىعىن تۋدىردى
بۇل تۋرالى ول ءوزىنىڭ Facebook پاراقشاسىنا جازدى دەپ حابارلايدى قازاقپارات ءتىلشىسى. «قۇرمەتتى الماتى قالاسىنىڭ اكىمدىگى، ايتىڭىزدارشى، ەندى ارباعا تاڭىلعان مۇگەدەكتەر جاياۋجولعا قالاي ءوتۋى كەرەك؟ بيلبورد ورناتۋعا وزگە جەر تابىلمادى ما؟ ادامدار ءۇشىن جۇمىس ىستەۋ ويىمىزدا بار ما ءوزى؟ قۇرمەتتى دوستار، مىنا پوستتى قاجەتتى ادامدارعا قالاي جەتكىزۋگە بولادى؟»، - دەپ سۇراق قويدى فيليپەنكو.
الماتى قالاسى اكىمدىگىنىڭ باسپا ءسوز قىزمەتى شاعىمدى قابىلداعانىن حابارلادى. ساۋال «ماسەلەنى رەتتەۋ» بويىنشا جۇمىس ىستەيتىن قالالىق اۆتوكولىك جولدارى باسقارماسىنا جىبەرىلدى. جاسالعان جۇمىستار جونىندە قوسىمشا حابار بەرۋگە باسپا ءسوز قىزمەتى ۋادە بەردى. سونىمەن قاتار، اكىمدىك ونداعى جولدى كەڭەيتۋ جۇمىستارىنىڭ جۇرگىزىلۋى مۇمكىن ەكەنىن اتاپ ءوتتى.
