ساۋد ارابياسىنىڭ كورولى كۇللى الەمدى تاڭقالدىرعان بۇيرىققا قول قويدى
بۇل تۋرالى mediadum.com حابارلايدى.
بۇيرىقتا مەملەكەتتىك قىزمەتكەرلەرگە، زەينەتكەرلەرگە، ستۋدەنتتەرگە جالپى سوماسى 30 ميلليارد دوللار بولاتىن اقشالاي جاردەماقى بەرىلەتىنى تۋرالى ايتىلادى.
سونداي-اق، بۇل بۇيرىقتا اقشالاي ايىپپۇلى بار 500 مىڭداي ازاماتقا كەشىرىم بەرىلەتىنى دە جازىلعان. تيىسىنشە تەمىر تورعا توعىتىلعان شەتەلدىكتەردى ءوز ەلدەرىنە دەپورتاتسيالاۋ تۋرالى دا شەشىم شىعارعان. ەندى ولار ساۋد ارابياسى شەكاراسىنا اتتاپ باسا المايدى. بۇيرىقتا كورول ەلدى اۋىز سۋ جانە ەلەكتر جارىعىمەن قامتاماسىز ەتۋگە قاتىستى قۇرىلىستاردى سالۋعا 20 ميلليارد دوللار بولەتىنى كورسەتىلگەن. ەل باسشىسىنىڭ جاقسىلىعى مۇنىمەن توقتاپ قالمايدى. ول ەلدە تىركەلگەن بارلىق ادەدي كلۋبتارعا، ەل چەمپيوناتىندا وينايتىن سۋپەرليگا كلۋبتارىنا 10 ميلليون ريالدان، ءبىرىنشى ليگا كوماندالارىنا 5 ميلليون ريالدان، ال باسقا سپورتتىق كلۋبتارعا 2 ميلليون ساۋد ريالىنان بەرگەن. كورولدىڭ جاقسىلىعىنان الەۋمەتتىك جاردەماقى الاتىن، مۇمكىندىگى شەكتەۋلى جاندار دا قۇر الاقان قالمايدى.
كورول الەۋمەتتىك قورعاۋ مينيسترلىگىمەن كەلىسە وتىرىپ، رەسمي تىركەلگەن قايىرىمدىلىق قورلارىنا 2 ميلليارد دوللار، بىرىككەن كاسىپوداقتارعا 10 ميلليون ريالدان بەرگەن. ءبىر قىزىعى قاتاڭ رەجيمگە نەگىزدەلگەن، مۇسىلمان ەلدىڭ باسشىسى تۇرعىندارمەن الەۋمەتتىك جەلىدە دە ەركىن سويلەسە بەرەدى ەكەن.
ول سونداي- اق، ءوزىنىڭ تۆيتتەردەگى اككاۋنتىندا اللادان ءوز ەلىنە كومەك بەرۋىن، قىزمەتىندە ابىرويلى بولۋىن تىلەپ، جازبا قالدىرعان. ونىڭ بۇل جازباسىنا ريزا بولعان قولدانۋشىلار 175 مىڭنان استام رەتۆيت جاساعان. وسى تۆيتىنىڭ ارقاسىندا ول تۆيتتەردىڭ توپ پايدالانۋشىلارىنىڭ قاتارىنا بىردەن ەنگەن. التى كۇننىڭ ىشىندە 760 مىڭ ادام ونى وقۋعا جازىلعان. قازىرگى تاڭدا كورولدىڭ جالپى وقىرماندارىنىڭ سانى 1 ميلليون 860 مىڭ.
