قازاقستاندىق سامبوشى دينارا جۇمابايەۆا الەم چەمپيوناتىنىڭ كۇمىس جۇلدەگەرى اتاندى
دەپ حابارلايدى قازاقپارات.
حالىقارالىق سامبو فەدەراتسياسىنىڭ رەسمي سايتىنان الىنعان مالىمەتكە قاراعاندا، دينارا 64 ك گ سالماقتا ءساتتى ونەر كورسەتىپ، تەك فينالدا بەلارۋس ەلىنىڭ وكىلى تاتيانا ماتسكوعا ەسە جىبەردى.
ايتا كەتەيىك، الەم چەمپيوناتىنىڭ العاشقى كۇنىندە قازاقستان قورجىنىنا ەشقانداي جۇلدە تۇسكەن جوق بولاتىن. ال سەنبى كۇنى قازاقستاندىقتار ءۇشىن الدەقايدا ءساتتى بولدى. دينارادان باسقا باتىس قازاقستاندىق پالۋان، الەمنىڭ ءتورت دۇركىن چەمپيونى ەربولات بايباتىروۆ 57 ك گ سالماقتا سپورتتىق سامبودان كۇمىس مەدالعا قول جەتكىزدى. وعان قوسا تاعى ەكى باتىس قازاقستاندىق سپورتشى قازبەك سۇپىعاليەۆ پەن تەمىرلان يحسانعاليەۆ سايكەسىنشە 62 جانە 82 ك گ سالماقتا قولا جۇلدەنى يەلەندى.
اۆتور: ەلجان ەرالى
