بويداق ادامنىڭ ءومىرى قىسقا بولادى
راسىمەن، اينالاڭىزعا بايىپتاپ ءبىر قاراساڭىز، بارلىق تىرشىلىك يەسىنىڭ ءوز جۇبىمەن جاراتىلعانىن كورەسىز.
دەمەك، جۇپتاسىپ ءومىر ءسۇرۋ - جاراتىلعانداردىڭ ماڭدايىنا جازىلعان زاڭدىلىق ەكەنى داۋسىز. ال، ەندى وسى زاڭدىلىققا قارسى شىعىپ، بەرىلگەن ءومىردى بويداقتىقپەن وتكىزۋدىڭ اقىر سوڭى قانداي بولماق؟
وسى سۇراق توڭىرەگىندە تولعانعان تايۆان ەلىنىڭ عالىمدارى وسىدان 20 جىل بۇرىن وتە قىزىقتى زەرتتەۋ جۇمىسىن باستاعان ەكەن. زەرتتەۋ جۇمىسىنا 50 مەن 91 جاس ارالىعىنداعى 800 ەر ادام قاتىستىرىلعان.
جيىرماعا جىلعا سوزىلعان ءتۇرلى زەرتتەۋ ناتيجەلەرىن ساراپتاي كەلە تايۆان عالىمدارى ەر ادامنىڭ ۇزاق ءومىر ءسۇرۋى ونىڭ جۇبايلىق قارىم-قاتىناسىنا بايلانىستى دەگەن شەشىمگە توقتالعان. ءتىپتى، ەلۋدەن اسقان ەركەكتەردىڭ ءوزى تۇراقتى جۇبايىمەن جاقىنداسىپ تۇرسا، قاتارلاستارىنان ورتا ەسەپپەن 15 جىل ۇزاق جاسايتىن كورىنەدى.
زەرتتەۋشىلەر ۇزاق جاساعىسى كەلگەن جاندارعا ءوز جۇبايلارىمەن اپتاسىنا بىرنەشە مارتە جاقىنداسىپ تۇرۋعا كەڭەس بەرىپ وتىر. ولاردىڭ ايتۋىنشا، بۇل ولاردىڭ جۇرەك-قانتامىرلارىنا وڭ اسەرىن تيگىزبەك. سونداي-اق، اعزا تونۋسىن كوتەرۋگە دە كومەكتەسەدى.
ارداقتى پايعامبارىمىز (س. ع. س. ) ءوز حاديستەرىندە ۇممەتىن ۇيلەنۋگە ۇندەپ، ەش سەبەپسىز ونى كەشىكتىرۋدەن تىيعانى بەلگىلى. قيامەتتە ۇممەتىمنىڭ كوپتىگىمەن ماقتانامىن دەپ وسيەت قالدىرعان اللا ەلشىسىنىڭ (س. ع. س. ) ايتقانىن ورىنداپ، اق نەكەسىن ەرتە قيعىزعانداردىڭ ومىردەن كەش وتەتىنىن بۇگىنگى عىلىم دالەلدەپ وتىر.
