الۋا قوناروۆا: مەن باياندى ادام قاتارىنا قوسا المايمىن
ول ەكس قۇربىسى اۋرۋحانادا جاتقان كەزدە ىزدەپ بارعان ەكەن.
ءتىپتى، ەسەنتايەۆانىڭ اپكەسىنەن كەزدەسۋ ۇيىمداستىرىپ بەرۋىن وتىنگەن. الايدا بايان ەسەنتايەۆا ونى كورگىسى كەلمەيتىنىن ايتىپ، بەتىن قايتارعان.
بۇل تۋرالى 31 ارنانىڭ «ۇيات ەمەس» باعدارلاماسىندا ايتىلدى.
جۋىردا عانا اشىلعان وتاندىق باعدارامالاردىڭ بىرىندە قازاقستاندىق قىز-كەلىنشەكتەر ەش جەردە ايتپاعان قۇپيالارىن ءبولىسىپ جاتىر. ەندىگى كەزەك پروديۋسەر الۋا قوناروۆاعا كەلگەن سىڭايلى. ول ءالى كۇنگە دەيىن ەكس قۇربىسى بايان ەسەنتايەۆاعا رەنجىپ جۇرگەنىن جەتكىزدى. مۇنىمەن قاتار، وسى ۋاقىتقا دەيىن ءۇش مارتە انا بولۋ باقىتىنان ايىرىلعانىن تىلگە تيەك ەتتى. بۇعان بۇرىنعى كۇيەۋىنىڭ سوققىلارى سەبەپ بولعان ەكەن.
«بايان - ءبىزدىڭ ورتاق قۇربىمىز. قازىر ەكەۋىڭ ارالاسپاساڭدار دا، ءبىر كەزدەرى جاقسى سىرلاستىڭدار. ونىڭ باسىنان وتكەن قايعىلى وقيعا بارلىعىمىزدى كۇيزەلتتى. ءدال سول ارالىقتا سەندەر ءبىر-بىرلەرىڭمەن رەنجىسىپ جۇرگەن ەدىڭدەر. ءبىراق قايعى ادامدى جاقىنداستىرا تۇسەدى ەمەس پە؟!» - دەپ سۇرادى سالتانات قاليەۆا.
جۇرگىزۋشىنىڭ بۇل سوزدەرىن الۋا قوناروۆا ءبولىپ جىبەردى. ول بۇدان بىلاي بايان ەسەنتايەۆانى قۇربىسى دەپ ەسەپتەمەيتىنىن ايتتى. دەسە دە، ونىڭ تەزىرەك ساۋىعىپ كەتۋىنە تىلەكتەس ەكەن.
«مەن دە بايان ەكەۋىمىز جاقسى قارىم-قاتىناستامىز دەپ ويلاپ ءجۇردىم. ارينە، وعان قولداۋ ءبىلدىرىپ، WhatsApp ارقىلى جاقسى تىلەك جازدىم. اۋرۋحاناعا ىزدەپ بارىپ، تاتۋلاسۋعا العاشقى قادامدى مەن جاسادىم. بىرنەشە رەت اپكەسىنەن ونىمەن كەزدەسۋ ۇيىمداستىرىپ بەرۋىن سۇرادىم. ماعان ونىڭ ءجۇزىنىڭ قانداي ەكەندىگى ماڭىزدى ەمەستىگىن، مەنەن ەش ۇيالماۋى كەرەكتىگىن ايتتىم. بار بولعانى قاسىندا بولىپ، قولداۋ بىلدىرگىم كەلدى. سىناق دەگەن دۇنيەنىڭ نە ەكەنىن، ونىڭ نە ءۇشىن بەرىلەتىنىن تۇسىندىرگىم كەلدى.
«ءبىز ءبىر- ءبىرىمىزدى كەشىردىك» دەپ ايتپاق بولدىم. سەبەبى، رەيتينگ، ءبىرىنشى ورىن دەگەندەردىڭ بارلىعى - بولماشى دۇنيە عانا. بۇلار ونىڭ ءومىرىنىڭ جانىندا تۇك ەمەس. ومىردەن ارتىق ادام بالاسى ءۇشىن نە بولۋى مۇمكىن؟ ! ول مەنى كورگىسى كەلمەدى. نەگىزى مەنى ول ءبىرىنشى بولىپ رەنجىتكەن ەدى. بۇدان بىلاي مەنىڭ تاراپىمنان ەشقانداي قادام جاسالمايدى. البەتتە، ونىڭ تەزىرەك ساۋىعىپ، جاعدايىنىڭ تۇزەلگەنىن قالايمىن. وكىنىشكە وراي، بۇگىندە مەن ونى ادام قاتارىنا قوسا المايمىن»، - دەيدى الۋا قوناروۆا.
ەستەرىڭىزدە بولسا، ەكى پروديۋسەر اراسىنداعى جانجال جانار دۇعالوۆاعا بايلانىستى تۋىنداعان ەدى. ءبىرى ءانشىنىڭ حالىقارالىق بايقاۋداعى جەڭىسىن تولىق مويىنداسا، ەكىنشىسى بۇل جەڭىستىڭ ادىلەتسىزدەۋ بولعانىن مەڭزەگەن-دى.
