گرۋزيندەر «كوزىمنىڭ قاراسى» ءانىن ەرەكشە مانەردە شىرقادى - كەسكىن

Geo Folk Tour فەيسبۋكتەگى پاراقشاسىندا گرۋزيندەر (گۇرجىلەردىڭ) وزدەرى ورىنداعان «كوزىمنىڭ قاراسى» ءانىن قازاقستانداعى دوستارىنا ارنايتىندىعىن اتاپ وتكەن. قازاق تىلىندە ورىندالعان ءاندى ونەرپازدار تبيليسيلىك ليريكالىق، سىرلاس باللادا جانرىندا شىرقاپ بەردى. ارانجيروۆكا گيورگي مارگۆەلاشۆيلي Geo Folk Tour- گە تيەسىلى.

«قۇرمەتتى دوستار! ءاننىڭ ءتۇپنۇسقاداعى دىبىستالۋىن كوشىرىپ شىرقاۋدى ماقسات ەتىپ قويمادىق، ياعني بارىنشا گرۋزيندىك ناقىشتا ۇسىنۋعا تىرىستىق»، - دەلىنگەن جازبادا. الەۋمەتتىك جەلىدە گۇرجى ونەرپازدارىنا العىس ايتۋشى قازاقستاندىقتاردىڭ سانى ارتىپ كەلەدى. ماسەلەن، جەلىنى قولدانۋشىنىڭ ءبىرى: «قازاقتىڭ ءانىن وتە ادەمى شىرقاپ بەردى! ەندى قازاقتار جاۋاپ رەتىندە «سۋليكونى» ورىنداپ بەرسە ءجون بولار ەدى»، - دەيدى. ءوز كەزەگىندە Geo Folk Tour بۇل پىكىرلەرگە راحمەتىن جەتكىزدى. «مەن «كوزىمنىڭ قاراسى» مەن «سۋليكونى» گرۋزيا مەن قازاقستاندا دوستىقتىڭ ءبىر داستارحانىندا بىرگە شىرقاۋدى ۇسىنعىم كەلەدى»، - دەپ اتاپ وتىلگەن Geo Folk Tour پاراقشاسىندا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى